24 мая, Мінск /Кар. БЕЛТА/. Нявырашаных пытанняў у расійска-беларускіх адносінах няма. Аб гэтым Прэзідэнт Расіі Уладзімір Пуцін заявіў у Мінску на перагаворах з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
Кіраўнік расійскай дзяржавы адзначыў, што знаходзіцца ў пастаянным кантакце, на сувязі з беларускім калегам, іх узаемадзеянне адбываецца рэгулярна. У той жа час ён быў рады запрашэнню наведаць Беларусь.
"У нас ёсць магчымасць цяпер ацаніць, што было зроблена, што цяпер адбываецца, што павінна быць зроблена ў бліжэйшы час, намеціць канкрэтныя сумесныя крокі па нашым руху наперад, па развіцці нашых дзяржаў", - сказаў расійскі лідар.
У якасці важных вех у развіцці абедзвюх дзяржаў Прэзідэнт Расіі згадаў юбілейныя падзеі, звязаныя з гісторыяй Вялікай Айчыннай вайны. Так, сёлета адзначаецца 80-годдзе вызвалення Беларусі ад нямецка-фашысцкіх захопнікаў.
Акрамя таго, у гэтым годзе спаўняецца 25 гадоў Саюзнай дзяржаве Беларусі і Расіі, у сувязі з гэтым, на думку Уладзіміра Пуціна, таксама трэба паглядзець, што яшчэ неабходна зрабіць для яе развіцця. "У цэлым работа, па-мойму, у нас ідзе на добрым узроўні, калі гаварыць пра эканоміку. І вынікі эканамічнага развіцця сведчаць самі за сябе", - падкрэсліў Прэзідэнт Расіі. У сувязі з гэтым ён павіншаваў Беларусь з паспяховым эканамічным развіццём, з тым, наколькі ўпэўнена краіна сябе адчувае і моцна стаіць на нагах. Асобна Уладзімір Пуцін пахваліў сталіцу і гарадскія ўлады за тое, як цудоўна выглядае Мінск, за абстаноўку свята, якая цяпер адчуваецца на вуліцах горада.
Прэзідэнт расказаў, што напярэдадні адбылося абмеркаванне актуальнага стану спраў у двухбаковых адносінах і ў частцы рэалізацыі канкрэтных праектаў. "На мой погляд, нявырашаных пытанняў няма. Калі трэба нешта дадаткова ўзгадніць, мы гэта сёння ў ходзе перагавораў зробім, безумоўна", - заявіў расійскі лідар.-0-
Кіраўнік расійскай дзяржавы адзначыў, што знаходзіцца ў пастаянным кантакце, на сувязі з беларускім калегам, іх узаемадзеянне адбываецца рэгулярна. У той жа час ён быў рады запрашэнню наведаць Беларусь.
"У нас ёсць магчымасць цяпер ацаніць, што было зроблена, што цяпер адбываецца, што павінна быць зроблена ў бліжэйшы час, намеціць канкрэтныя сумесныя крокі па нашым руху наперад, па развіцці нашых дзяржаў", - сказаў расійскі лідар.
У якасці важных вех у развіцці абедзвюх дзяржаў Прэзідэнт Расіі згадаў юбілейныя падзеі, звязаныя з гісторыяй Вялікай Айчыннай вайны. Так, сёлета адзначаецца 80-годдзе вызвалення Беларусі ад нямецка-фашысцкіх захопнікаў.
Акрамя таго, у гэтым годзе спаўняецца 25 гадоў Саюзнай дзяржаве Беларусі і Расіі, у сувязі з гэтым, на думку Уладзіміра Пуціна, таксама трэба паглядзець, што яшчэ неабходна зрабіць для яе развіцця. "У цэлым работа, па-мойму, у нас ідзе на добрым узроўні, калі гаварыць пра эканоміку. І вынікі эканамічнага развіцця сведчаць самі за сябе", - падкрэсліў Прэзідэнт Расіі. У сувязі з гэтым ён павіншаваў Беларусь з паспяховым эканамічным развіццём, з тым, наколькі ўпэўнена краіна сябе адчувае і моцна стаіць на нагах. Асобна Уладзімір Пуцін пахваліў сталіцу і гарадскія ўлады за тое, як цудоўна выглядае Мінск, за абстаноўку свята, якая цяпер адчуваецца на вуліцах горада.
Прэзідэнт расказаў, што напярэдадні адбылося абмеркаванне актуальнага стану спраў у двухбаковых адносінах і ў частцы рэалізацыі канкрэтных праектаў. "На мой погляд, нявырашаных пытанняў няма. Калі трэба нешта дадаткова ўзгадніць, мы гэта сёння ў ходзе перагавораў зробім, безумоўна", - заявіў расійскі лідар.-0-
