14 красавіка, Мінск /Уладзімір Мацвееў - БЕЛТА/. Эфектыўна процістаяць пандэміі можна толькі шляхам аб'яднання намаганняў, заявіў Прэзідэнт Расіі Уладзімір Пуцін сёння ў час рабочай сустрэчы членаў Вышэйшага Еўразійскага эканамічнага савета, якая адбылася ў рэжыме відэаканферэнцыі, перадае карэспандэнт БЕЛТА.
"Эфектыўна процістаяць пандэміі можна толькі шляхам аб'яднання намаганняў міжнароднай супольнасці. Лічым вельмі запатрабаваным цеснае супрацоўніцтва паміж дзяржавамі ЕАЭС", - заявіў расійскі лідар.
Ён таксама падзякаваў беларускаму боку за ініцыятыву правесці відэаканферэнцыю.
Прэзідэнт Расіі адзначыў, што пандэмія негатыўна ўплывае на ўсе бакі жыцця ва ўсім свеце - эканоміку, сацыяльную сферу. Знізілася мабільнасць насельніцтва, ускладнены гандаль таварамі і паслугамі, схільны да валацільнасці глабальныя фінансавыя і сыравінныя рынкі, істотна павялічваецца нагрузка на сістэму аховы здароўя. "Як мы бачым, у некаторых нашых краінах прымаюцца сапраўды надзвычайныя меры", - дадаў Уладзімір Пуцін.-0-
