15 чэрвеня, Масква /Эдуард Півавар - БЕЛТА/. Афіцыйны прадстаўнік МЗС Расіі Марыя Захарава пракаменціравала ў Telegram паводзіны журналістаў ВВС 14 чэрвеня на прэс-канферэнцыі ў Нацыянальным прэс-цэнтры Беларусі, арганізаванай МЗС Беларусі, паведамляе БЕЛТА.
"Журналісты Бі-бі-сі пайшлі з прэс-канферэнцыі МЗС Беларусі ў знак пратэсту супраць таго, што Рамана Пратасевіча, на іх думку, прымушаюць у ёй удзельнічаць, - напісала Марыя Захарава. - Я вельмі спадзяюся, што некалі тое ж самае журналісты Бі-бі-сі змогуць паўтарыць на прэс-канферэнцыі з удзелам Джуліяна Асанжа. Прынцыповыя крывадушныя людзі".-0-