5 кастрычніка, Масква /Эдуард Півавар - БЕЛТА/. Прэзідэнт Кыргызстана Садыр Жапараў сёння ў Бішкеку сустрэўся з генеральным сакратаром Арганізацыі Дагавора аб калектыўнай бяспецы Станіславам Засем, які знаходзіцца ў рабочай паездцы ў Кыргызстане ў рамках падрыхоўкі да маючай адбыцца сесіі Савета калектыўнай бяспекі АДКБ, паведаміў БЕЛТА прэс-сакратар АДКБ Уладзімір Зайнетдзінаў.
"Садыр Жапараў і Станіслаў Зась дэталёва абмеркавалі сітуацыю ў зоне адказнасці АДКБ, у тым ліку асаблівая ўвага была ўдзелена абстаноўцы ў Цэнтральна-Азіяцкім рэгіёне", - адзначыў прэс-сакратар.
"Генеральны сакратар АДКБ праінфармаваў Прэзідэнта Кыргызстана аб рабоце па падрыхтоўцы да маючых адбыцца пасяджэнняў статутных органаў арганізацыі і сесіі Савета калектыўнай бяспекі, правядзенне якіх запланавана гэтай восенню ў Арменіі. Таксама Станіслаў Зась далажыў кіраўніку кыргызскай дзяржавы аб ходзе выканання шэрага асобных даручэнняў Савета калектыўнай бяспекі АДКБ", - дадаў прэс-сакратар.-0-
