6 жніўня, Мінск /Кар. БЕЛТА/. Па даручэнні Прэзідэнта Беларусі старшыня Палаты прадстаўнікоў Уладзімір Андрэйчанка 5 жніўня прыняў удзел у цырымоніі інаўгурацыі Прэзідэнта Ісламскай Рэспублікі Іран Ібрагіма Раісі. Пасля заканчэння цырымоніі адбылася іх сустрэча. Аб гэтым БЕЛТА паведамілі ў прэс-службе Палаты прадстаўнікоў.
"Старшыня Палаты прадстаўнікоў павіншаваў Ібрагіма Раісі з выбраннем на пасаду Прэзідэнта і перадаў ад Прэзідэнта Беларусі шчырыя віншаванні і самыя цёплыя пажаданні поспехаў у дзейнасці на прэзідэнцкай пасадзе. У ходзе размовы бакі абмеркавалі розныя аспекты далейшага развіцця гандлёва-эканамічнага супрацоўніцтва і беларуска-іранскіх узаемаадносін у міжнародных арганізацыях", - расказалі ў прэс-службе.
Уладзімір Андрэйчанка таксама правёў двухбаковую сустрэчу са старшынёй Сходу ісламскага савета Ісламскай Рэспублікі Іран Махамадам Багерам Галібафам. Акрамя таго, адбылася кароткая размова са старшынёй Дзяржаўнай думы Федэральнага сходу Расійскай Федэрацыі Вячаславам Валодзіным.-0-
