Сцяг Чацвер, 28 сакавіка 2024
Усе навіны
Усе навіны
Палітыка
14 лістапада 2018, 17:03

Прэзідэнт Азербайджана сустрэўся з паслом Беларусі

14 лістапада, Мінск /Кар. БЕЛТА/. Прэзідэнт Азербайджана Ільхам Аліеў 14 лістапада сустрэўся з паслом Беларусі ў гэтай краіне Генадзем Ахрамовічам. Аб гэтым БЕЛТА паведамілі ў беларускай дыпмісіі.

"У час гутаркі абмеркаваны пытанні стану і перспектыў развіцця двухбаковых адносін у розных галінах, а таксама маючы адбыцца візіт (у Беларусь. - Заўвага БЕЛТА) Прэзідэнта Азербайджана ў лістападзе бягучага года", - расказалі ў пасольстве.

Кіраўнік азербайджанскай дзяржавы закрануў асобныя аспекты міжнароднага парадку дня.

Як паведамлялася БЕЛТА, 12 лістапада адбылася сустрэча Прэзідэнта Беларусі Аляксандра Лукашэнкі з паслом Азербайджана ў Беларусі Лаціфам Гандзілавым. Асноўнай падставай таксама быў візіт у Беларусь Ільхама Аліева. Кіраўнік беларускай дзяржавы звярнуў увагу, што з пачатку года беларуска-азербайджанскі тавараабарот павялічыўся больш як у тры разы ў параўнанні з аналагічным перыядам мінулага года. Разам з тым патэнцыял для ўзаемадзеяння дзвюх краін значна вышэйшы. "Вы павінны ведаць, што мы для вас сябры і заўсёды гатовы пайсці насустрач. Нашы дамоўленасці з Ільхамам Аліевым - гэта святое, мы дамовіліся, што будзем іх выконваць. Закрытых тэм з Азербайджанам у Беларусі няма", - падкрэсліў на сустрэчы беларускі лідар.-0-

Падпісвайцеся на нас у
Twitter
Топ-навіны
Свежыя навіны Беларусі