11 кастрычніка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў 11 кастрычніка сустрэўся з прэм'ер-міністрам В'етнама Фам Мінь Чынем. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
Бакі абмеркавалі перспектыўныя напрамкі ўзаемадзеяння і графік сумесных мерапрыемстваў на бліжэйшую будучыню. Адбыўся таксама абмен меркаваннямі па актуальных пытаннях двухбаковага гандлёва-эканамічнага супрацоўніцтва, у прыватнасці, у сферах аўтамабілебудавання, сельскай гаспадаркі, транспарту.
Кіраўнік урада падкрэсліў высокі ўзровень дружалюбных адносін паміж Беларуссю і В'етнамам і адзначыў значны патэнцыял для іх перспектыўнага развіцця.-0-
