30 верасня, Мінск /Кар. БЕЛТА/. Сышоўшы з трапа самалёта, прэм'ер-міністр Кыргызстана Адылбек Касымаліеў адразу адчуў цеплыню беларускай зямлі. Аб гэтым ён заявіў на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
"Сышоўшы з трапа самалёта, я адчуў цеплыню беларускай зямлі. Беларускі народ дабрадушны, добрапрыстойны, высокакультурны, які шануе гістарычную памяць", - сказаў кіраўнік урада Кыргызстана.
Ён расказаў, што перад вылетам у Беларусь быў на сустрэчы ў Прэзідэнта краіны Садыра Жапарава. "Ён перадаў вам самыя цёплыя словы прывітання і вельмі станоўча ўспрыняў мой афіцыйны візіт у Беларусь", - адзначыў Адылбек Касымаліеў.
Ён таксама падзяліўся тым, што першы раз у Мінску быў яшчэ ў далёкім 1983 годзе, калі вучыўся ў Ленінградскім фінансава-эканамічным інстытуце, а яго жонка вучылася ў Ленінградскім інстытуце кінаінжынераў.
"Дзіўна. Яна - кіношніца, а вы - фінансіст", - сказаў Аляксандр Лукашэнка.-0-
Падпісвайцеся на нас у
