ДЗЯРЖОРГАНЫДЗЯРЖОРГАНЫ
Серада, 19 лютага 2020
Мінск Суцэльная воблачнасць +4°C
Усе навіны
Усе навіны
Палітыка
20 студзеня 2020, 16:38

Прапрацоўваюцца візіты ў Беларусь парламенцкіх дэлегацый Малдовы, Пакістана і Швейцарыі

Фота з архіва
Фота з архіва

20 студзеня, Мінск /Кар. БЕЛТА/. У 2020 годзе ў Палаце прадстаўнікоў чакаюць з візітам парламенцкія дэлегацыі Малдовы, Пакістана і Швейцарыі. Размова аб гэтым ішла сёння на пасяджэнні Пастаяннай камісіі па міжнародных справах Палаты прадстаўнікоў, перадае карэспандэнт БЕЛТА.

Беларускія парламентарыі плануюць наведаць у 2020 годзе Егіпет, Сербію. Чакаецца, што дэлегацыі ў абодвух выпадках узначаліць старшыня Палаты прадстаўнікоў Уладзімір Андрэйчанка. Акрамя таго, плануецца, што ён прыме ўдзел у V Сусветнай канферэнцыі спікераў парламента. "Прапрацоўваюцца візіты ў Беларусь кіраўнікоў парламентаў Малдовы, Пакістана, Швейцарыі", - праінфармаваў старшыня Пастаяннай камісіі па міжнародных справах Андрэй Савіных, прадстаўляючы праект плана міжнароднага парламенцкага супрацоўніцтва Палаты прадстаўнікоў.

Сярод прыярытэтаў, акрамя развіцця двухбаковага супрацоўніцтва, умацаванне кантактаў з міжнароднымі парламенцкімі арганізацыямі. План, як адзначалася ў час пасяджэння камісіі, не канчатковы. Дэпутаты ўжо цяпер працуюць над пералікам кантактаў, імкнучыся забяспечыць іх максімальную збалансаванасць па рэгіёнах.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі