18 жніўня, Мінск /Кар. БЕЛТА/. Праект змяненняў у Канстытуцыю будзе ўнесены Прэзідэнту на працягу тыдня. Аб гэтым паведаміў журналістам старшыня Канстытуцыйнага суда, старшыня Канстытуцыйнай камісіі Пётр Міклашэвіч, перадае карэспандэнт БЕЛТА.
"Сёння на пасяджэнні Канстытуцыйнай камісіі прынята рашэнне накіраваць распрацаваныя камісіяй прапановы па змяненні Канстытуцыі Рэспублікі Беларусь Прэзідэнту. Было праведзена два пасяджэнні Канстытуцыйнай камісіі, пяць пасяджэнняў рэдакцыйнай групы, дзе дэталёва разгледжаны заўвагі, выказаныя членамі камісіі. Праведзена рэдакцыйная дапрацоўка выпрацаваных прапаноў і сёння можна канстатаваць, што Канстытуцыйная камісія прапануе змяніць 53 артыкулы Канстытуцыі, увесці 14 новых артыкулаў і 2 артыкулы выключыць", - расказаў Пётр Міклашэвіч.
Канстытуцыйная камісія прапануе захаваць прэзідэнцкую форму праўлення. Правесці пераразмеркаванне паўнамоцтваў паміж Прэзідэнтам, парламентам і ўрадам, зыходзячы з канстытуцыйных функцый, каб усе органы дзяржаўнай улады дзейнічалі эфектыўна, у цесным узаемадзеянні, вырашалі якасна пастаўленыя перад краінай задачы.
"Надыходзіць новы этап у дзяржаўным кіраванні, каб паўнамоцтвы эфектыўна выкарыстоўвалі і ўсе іншыя органы дзяржаўнай улады, - адзначыў старшыня КС. - Прапануецца замацаваць і ўстанавіць канстытуцыйны статус Усебеларускага народнага сходу - гэта новы орган у сістэме дзяржаўнай улады. Тут задача была знайсці той аптымальны варыянт, каб орган з дарадчага стаў канстытуцыйна-ўладным. З іншага боку, Усебеларускі народны сход не парушаў існуючую сістэму ўлады, а стаў стабілізуючым органам для ўстойлівасці ўсёй сістэмы дзяржаўнай улады. Найважнейшымі паўнамоцтвамі яго было якраз вырашэнне стратэгічных пытанняў далейшага развіцця нашай краіны".
Таксама прапануецца канкрэтызаваць канстытуцыйныя асновы выбарчай сістэмы. "Павысіць канстытуцыйны статус Цэнтральнай выбарчай камісіі. Стварыць умовы для поўнай рэалізацыі выбарчых правоў нашых грамадзян. Прапануецца ўзмацніць сацыяльныя гарантыі шматдзетным сем'ям, інвалідам, пенсіянерам. Таксама пашыраюцца магчымасці абароны правоў і свабод нашых грамадзян. Плануецца ўвесці новы праваабарончы інстытут - упаўнаважанага па правах чалавека, а таксама пашырыць правы нашых грамадзян на прамы зварот у Канстытуцыйны суд, гэта значыць на падачу канстытуцыйнай скаргі непасрэдна ў КС, - падкрэсліў Пётр Міклашэвіч. - Такім чынам, сёння можна канстатаваць, што ўсе прапановы, выпрацаваныя Канстытуцыйнай камісіяй, накіраваны на далейшае ўдасканаленне сістэмы дзяржаўнай улады і кіравання, на далейшую сацыяльную абарону правоў і свабод нашых грамадзян, на далейшае ўстойлівае развіццё нашай краіны як дэмакратычнай, сацыяльнай, прававой дзяржавы".
Старшыня КС дадаў, што праект змяненняў у Канстытуцыю будзе ўнесены Прэзідэнту на працягу тыдня. "Мы сёння прынялі дакумент. Цяпер пройдзе рэдакцыйная вычытка і ва ўстаноўленым парадку мы накіруем гэты дакумент Прэзідэнту. Гэта значыць да 1 верасня, - канстатаваў ён. - Далей мы чакаем, што пройдзе пасяджэнне Канстытуцыйнай камісіі ўжо з удзелам кіраўніка дзяржавы. Будуць разглядацца канкрэтна тыя прапановы, якія прадстаўлены Канстытуцыйнай камісіяй, шэраг спрэчных пытанняў, звязаных з фарміраваннем Усебеларускага народнага сходу, смяротным пакараннем, правамі працоўных калектываў вылучаць кандыдатаў у дэпутаты. Гэтыя пытанні таксама будуць прадметам разгляду на пасяджэнні Канстытуцыйнай камісіі з удзелам Прэзідэнта".-0-
"Сёння на пасяджэнні Канстытуцыйнай камісіі прынята рашэнне накіраваць распрацаваныя камісіяй прапановы па змяненні Канстытуцыі Рэспублікі Беларусь Прэзідэнту. Было праведзена два пасяджэнні Канстытуцыйнай камісіі, пяць пасяджэнняў рэдакцыйнай групы, дзе дэталёва разгледжаны заўвагі, выказаныя членамі камісіі. Праведзена рэдакцыйная дапрацоўка выпрацаваных прапаноў і сёння можна канстатаваць, што Канстытуцыйная камісія прапануе змяніць 53 артыкулы Канстытуцыі, увесці 14 новых артыкулаў і 2 артыкулы выключыць", - расказаў Пётр Міклашэвіч.
Канстытуцыйная камісія прапануе захаваць прэзідэнцкую форму праўлення. Правесці пераразмеркаванне паўнамоцтваў паміж Прэзідэнтам, парламентам і ўрадам, зыходзячы з канстытуцыйных функцый, каб усе органы дзяржаўнай улады дзейнічалі эфектыўна, у цесным узаемадзеянні, вырашалі якасна пастаўленыя перад краінай задачы.
"Надыходзіць новы этап у дзяржаўным кіраванні, каб паўнамоцтвы эфектыўна выкарыстоўвалі і ўсе іншыя органы дзяржаўнай улады, - адзначыў старшыня КС. - Прапануецца замацаваць і ўстанавіць канстытуцыйны статус Усебеларускага народнага сходу - гэта новы орган у сістэме дзяржаўнай улады. Тут задача была знайсці той аптымальны варыянт, каб орган з дарадчага стаў канстытуцыйна-ўладным. З іншага боку, Усебеларускі народны сход не парушаў існуючую сістэму ўлады, а стаў стабілізуючым органам для ўстойлівасці ўсёй сістэмы дзяржаўнай улады. Найважнейшымі паўнамоцтвамі яго было якраз вырашэнне стратэгічных пытанняў далейшага развіцця нашай краіны".
Таксама прапануецца канкрэтызаваць канстытуцыйныя асновы выбарчай сістэмы. "Павысіць канстытуцыйны статус Цэнтральнай выбарчай камісіі. Стварыць умовы для поўнай рэалізацыі выбарчых правоў нашых грамадзян. Прапануецца ўзмацніць сацыяльныя гарантыі шматдзетным сем'ям, інвалідам, пенсіянерам. Таксама пашыраюцца магчымасці абароны правоў і свабод нашых грамадзян. Плануецца ўвесці новы праваабарончы інстытут - упаўнаважанага па правах чалавека, а таксама пашырыць правы нашых грамадзян на прамы зварот у Канстытуцыйны суд, гэта значыць на падачу канстытуцыйнай скаргі непасрэдна ў КС, - падкрэсліў Пётр Міклашэвіч. - Такім чынам, сёння можна канстатаваць, што ўсе прапановы, выпрацаваныя Канстытуцыйнай камісіяй, накіраваны на далейшае ўдасканаленне сістэмы дзяржаўнай улады і кіравання, на далейшую сацыяльную абарону правоў і свабод нашых грамадзян, на далейшае ўстойлівае развіццё нашай краіны як дэмакратычнай, сацыяльнай, прававой дзяржавы".
Старшыня КС дадаў, што праект змяненняў у Канстытуцыю будзе ўнесены Прэзідэнту на працягу тыдня. "Мы сёння прынялі дакумент. Цяпер пройдзе рэдакцыйная вычытка і ва ўстаноўленым парадку мы накіруем гэты дакумент Прэзідэнту. Гэта значыць да 1 верасня, - канстатаваў ён. - Далей мы чакаем, што пройдзе пасяджэнне Канстытуцыйнай камісіі ўжо з удзелам кіраўніка дзяржавы. Будуць разглядацца канкрэтна тыя прапановы, якія прадстаўлены Канстытуцыйнай камісіяй, шэраг спрэчных пытанняў, звязаных з фарміраваннем Усебеларускага народнага сходу, смяротным пакараннем, правамі працоўных калектываў вылучаць кандыдатаў у дэпутаты. Гэтыя пытанні таксама будуць прадметам разгляду на пасяджэнні Канстытуцыйнай камісіі з удзелам Прэзідэнта".-0-
