28 лютага, Мінск /Кар. БЕЛТА/. Прадстаўнікі Расіі і Украіны едуць на кансультацыі ў свае сталіцы пасля правядзення першага раўнда перагавораў на Прыпяці, а потым сустрэнуцца зноў. Аб гэтым заявіў журналістам саветнік кіраўніка Офіса прэзідэнта Украіны Міхаіл Падаляк, перадае карэспандэнт БЕЛТА.
"Украінская і расійская дэлегацыя правялі сёння першы раўнд перагавораў, асноўнай мэтай якіх было абмеркаванне пытанняў спынення агню на тэрыторыі Украіны і баявых дзеянняў. Бакі вызначылі шэраг прыярытэтных тэм, па якіх намеціліся пэўныя рашэнні. Дзеля таго, каб гэтыя рашэнні атрымалі нейкія магчымасці імплементацыі ў лагістычныя рашэнні, бакі едуць для кансультацый у свае сталіцы. І бакі абмеркавалі магчымасць у бліжэйшы час правядзення другога раўнда перагавораў, на якіх гэтыя тэмы атрымаюць канкрэтную практыку развіцця", - сказаў ён.-0-
