13 верасня, Мінск /Кар. БЕЛТА/. Кансультацыі паміж міністэрствамі замежных спраў "Аб супрацоўніцтве дзяржаў СНД у процідзеянні сучасным выклікам і пагрозам. Магчымасці каардынацыі падыходаў у рамках ААН і іншых міжнародных арганізацый" пройдуць 18 верасня ў Маскве, паведамілі БЕЛТА ў прэс-службе Выканкама СНД.
На сустрэчы прадстаўнікі знешнепалітычных ведамстваў краін Садружнасці разгледзяць пытанні, якія датычацца антытэрарыстычнага супрацоўніцтва ў шматбаковым фармаце. Размова пойдзе, у тым ліку, аб процідзеянні ІДІЛ і іншым міжнародным тэрарыстычным арганізацыям.
Акрамя таго, удзельнікі кансультацый паміж міністэрствамі замежных спраў плануюць абмеркаваць пытанні антынаркатычнага супрацоўніцтва і забеспячэння міжнароднай інфармацыйнай бяспекі.-0-
