Мабільная версія
ДЗЯРЖОРГАНЫ
Апошнія навіны
Усе навіны

Прадстаўнікі аналітычных цэнтраў ЗША наведваюць Беларусь

Палітыка 05.11.2018 | 18:04
Фота МЗС
Фота МЗС

5 лістапада, Мінск /Аліна Грышкевіч - БЕЛТА/. Прадстаўнікі аналітычных цэнтраў ЗША 5-6 лістапада наведваюць Беларусь, паведамілі БЕЛТА ў прэс-службе МЗС.

У склад дэлегацыі ўваходзяць эксперт Цэнтра па аналізе еўрапейскай палітыкі Бен Ходжэс, старшы дырэктар Цэнтра дыпламатыі і глабальных адносін імя Дж.Байдэна Майкл Карпентэр, эксперт аналітычнага цэнтра "Карпарацыя РЭНД" Брус Макклінтак, прэзідэнт Джэймстаўнскага фонду Глен Ховард і старшы навуковы супрацоўнік гэтага фонду Уладзімір Сокар. Праграма візіту ўключае сустрэчу аналітыкаў у Міністэрстве абароны, а таксама наведванне Мінскага сувораўскага ваеннага вучылішча, Парка высокіх тэхналогій, Беларускага дзяржаўнага музея гісторыі Вялікай Айчыннай вайны.

З амерыканскімі аналітыкамі сустрэўся міністр замежных спраў Беларусі Уладзімір Макей. На сустрэчы былі абмеркаваны актуальны стан беларуска-амерыканскіх адносін і перспектывы іх развіцця, сітуацыя ў еўрапейскім рэгіёне і магчымыя напрамкі ўзаемадзеяння з аналітычнай супольнасцю ЗША. Бен Ходжэс і Глен Ховард 5 лістапада ўсклалі кветкі да стэлы "Мінск - горад-герой", аддаўшы даніну павагі тым, хто змагаўся за вызваленне Беларусі ў Вялікай Айчыннай вайне.

Дэлегацыя з ЗША прыме ўдзел у арганізаваным экспертнай ініцыятывай "Мінскі дыялог" брыфінгу, прысвечаным беларуска-амерыканскім адносінам, на якім Бен Ходжэс і Майкл Карпэнтэр выступяць у якасці галоўных дакладчыкаў.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.