Дзмітрый Піневіч
14 студзеня, Мінск /Кар. БЕЛТА/. Кропкі росту ўзаемнага гандлю Беларусі і Азербайджана знаходзяцца ў гуманітарнай сферы. Такую думку, адказваючы на пытанні журналістаў, выказаў пасол Беларусі ў Азербайджане Дзмітрый Піневіч, назначаны 14 студзеня на гэту пасаду кіраўніком дзяржавы, перадае карэспандэнт БЕЛТА.
Кіраўніка дыпмісіі спыталі, за кошт чаго, на яго думку, можна нарасціць тавараабарот дзвюх краін, які і так знаходзіцца на даволі высокім узроўні.
"Азербайджан з'яўляецца для нас не проста партнёрам, а стратэгічным партнёрам, - заўважыў Дзмітрый Піневіч. - Гэта звязана са многімі фактарамі. Нягледзячы на далёкую адлегласць паміж намі і нібыта розныя гістарычныя шляхі, якія нашы народы прайшлі, мы вельмі падобныя. Мы падобныя ментальна, мы цэнім адзін аднаго, цэнім чалавечае жыццё, вельмі ўважліва ўбіраем вопыт папярэдніх пакаленняў. Я лічу, што гэты фактар і тое, што лідары нашых краін задалі гэты імпульс стратэгічнаму супрацоўніцтву, і прывяло да таго, што мы маем нядрэнныя агульныя інтарэсы паміж дзвюма краінамі".
Паводле яго слоў, усе напрамкі двухбаковага супрацоўніцтва добра структураваны і былі актуалізаваны ў час нядаўняга візіту Прэзідэнта Беларусі ў Азербайджан. У аснове ляжыць перш за ўсё ўзаемадзеянне ў сферах прамысловасці, перапрацоўкі. "А кропкі прыросту ляжаць у гуманітарнай сферы. Як гэта ні здавалася б парадаксальным", - сказаў пасол.
У якасці прыкладу ён прывёў развіццё ўзаемадзеяння паміж сістэмамі аховы здароўя дзвюх краін, супрацоўніцтва ў фармацэўтычнай, біялагічнай прамысловасці, ІТ-сферы, адукацыйных праграмах, што ў сваю чаргу дасць імпульс развіццю міжкультурных сувязей. "Калі мы створым такі "кругаварот" у добрым сэнсе слова, завязаны на ўсе агульныя інтарэсы, мы атрымаем той эфект, якога хочам (па павелічэнні ўзаемнага тавараабароту. - Заўвага БЕЛТА)", - лічыць Дзмітрый Піневіч.
Найбольш перспектыўна, на яго думку, супрацоўніцтва ў фармацэўтычнай і біялагічнай прамысловасці, паколькі ў гэтых сферах вельмі высокая дабаўленая вартасць выпускаемай прадукцыі. Пры гэтым пасол звярнуў увагу, што зацікаўленасць ва ўзаемадзеянні ёсць з абодвух бакоў і абедзвюм краінам ёсць што прапанаваць адна адной. "Гэта дарога ў два бакі. Азербайджан - высокаразвітая індустрыяльная, аграрная краіна. У кожнай сферы, прамысловасць гэта або сацыяльная сфера, яны маюць свае дасягненні, якія павінны кампілявацца з нашымі дасягненнямі, і на гэтым - атрымлівацца сумесныя вытворчасці, праекты, пачынаючы ад навукі і заканчваючы культурнымі сувязямі", - сказаў Дзмітрый Піневіч.
"Мы павінны працаваць разам і на іншых рынках, - дадаў ён. - Азербайджан мае доступ да самых высокіх тэхналогій. Наша задача - прапанаваць гэтыя тэхналогіі на стратэгічным узроўні. Абмяркоўваючы сённяшняе, мы павінны глядзець не ў заўтра, а ў паслязаўтра".-0-
Кіраўніка дыпмісіі спыталі, за кошт чаго, на яго думку, можна нарасціць тавараабарот дзвюх краін, які і так знаходзіцца на даволі высокім узроўні.
"Азербайджан з'яўляецца для нас не проста партнёрам, а стратэгічным партнёрам, - заўважыў Дзмітрый Піневіч. - Гэта звязана са многімі фактарамі. Нягледзячы на далёкую адлегласць паміж намі і нібыта розныя гістарычныя шляхі, якія нашы народы прайшлі, мы вельмі падобныя. Мы падобныя ментальна, мы цэнім адзін аднаго, цэнім чалавечае жыццё, вельмі ўважліва ўбіраем вопыт папярэдніх пакаленняў. Я лічу, што гэты фактар і тое, што лідары нашых краін задалі гэты імпульс стратэгічнаму супрацоўніцтву, і прывяло да таго, што мы маем нядрэнныя агульныя інтарэсы паміж дзвюма краінамі".
Паводле яго слоў, усе напрамкі двухбаковага супрацоўніцтва добра структураваны і былі актуалізаваны ў час нядаўняга візіту Прэзідэнта Беларусі ў Азербайджан. У аснове ляжыць перш за ўсё ўзаемадзеянне ў сферах прамысловасці, перапрацоўкі. "А кропкі прыросту ляжаць у гуманітарнай сферы. Як гэта ні здавалася б парадаксальным", - сказаў пасол.
У якасці прыкладу ён прывёў развіццё ўзаемадзеяння паміж сістэмамі аховы здароўя дзвюх краін, супрацоўніцтва ў фармацэўтычнай, біялагічнай прамысловасці, ІТ-сферы, адукацыйных праграмах, што ў сваю чаргу дасць імпульс развіццю міжкультурных сувязей. "Калі мы створым такі "кругаварот" у добрым сэнсе слова, завязаны на ўсе агульныя інтарэсы, мы атрымаем той эфект, якога хочам (па павелічэнні ўзаемнага тавараабароту. - Заўвага БЕЛТА)", - лічыць Дзмітрый Піневіч.
Найбольш перспектыўна, на яго думку, супрацоўніцтва ў фармацэўтычнай і біялагічнай прамысловасці, паколькі ў гэтых сферах вельмі высокая дабаўленая вартасць выпускаемай прадукцыі. Пры гэтым пасол звярнуў увагу, што зацікаўленасць ва ўзаемадзеянні ёсць з абодвух бакоў і абедзвюм краінам ёсць што прапанаваць адна адной. "Гэта дарога ў два бакі. Азербайджан - высокаразвітая індустрыяльная, аграрная краіна. У кожнай сферы, прамысловасць гэта або сацыяльная сфера, яны маюць свае дасягненні, якія павінны кампілявацца з нашымі дасягненнямі, і на гэтым - атрымлівацца сумесныя вытворчасці, праекты, пачынаючы ад навукі і заканчваючы культурнымі сувязямі", - сказаў Дзмітрый Піневіч.
"Мы павінны працаваць разам і на іншых рынках, - дадаў ён. - Азербайджан мае доступ да самых высокіх тэхналогій. Наша задача - прапанаваць гэтыя тэхналогіі на стратэгічным узроўні. Абмяркоўваючы сённяшняе, мы павінны глядзець не ў заўтра, а ў паслязаўтра".-0-
Падпісвайцеся на нас у
