ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск Ясна +20°C
Усе навіны
Усе навіны
Палітыка
09 лістапада 2021, 11:36

Паўнамоцтвы кіраўніка дзяржавы па змяненні меж СЭЗ перададуць ураду

9 лістапада, Мінск /Кар. БЕЛТА/. Дэпутаты на пасяджэнні шостай сесіі Палаты прадстаўнікоў Нацыянальнага сходу Беларусі сёмага склікання прынялі ў першым чытанні законапраект "Аб змяненні закона Рэспублікі Беларусь "Аб свабодных эканамічных зонах", перадае карэспандэнт БЕЛТА.

Праект закона ўнесены ў Палату прадстаўнікоў Саветам Міністраў 2 жніўня 2021 года. Ён падрыхтаваны ў рамках праводзімай работы па пераразмеркаванні паўнамоцтваў паміж органамі дзяржаўнай улады і прадугледжвае перадачу паўнамоцтваў кіраўніка дзяржавы па змяненні меж свабодных эканамічных зон Савету Міністраў.

З арт. 7 закона "Аб свабодных эканамічных зонах" выключаюцца адпаведныя паўнамоцтвы Прэзідэнта з унясеннем неабходных дапаўненняў у арт. 8, які вызначае паўнамоцтвы Савета Міністраў у сферы стварэння, функцыянавання і ліквідацыі свабодных эканамічных зон. У сувязі з гэтым карэкціроўкі ўносяцца ў арт. 12 закона аб СЭЗ у частцы змянення віду нарматыўнага прававога акта аб вырашэнні пытання аб змяненні меж СЭЗ з праекта ўказа Прэзідэнта на праект пастановы Савета Міністраў.

"Вызначаецца, што з ініцыятывай змянення меж свабоднай эканамічнай зоны могуць выступаць абласныя (Мінскі гарадскі) выканаўчыя камітэты і адміністрацыя свабоднай эканамічнай зоны", - удакладніла член Пастаяннай камісіі па эканамічнай палітыцы Палаты прадстаўнікоў Святлана Горваль.

Законапраектам таксама прадугледжана, што рашэнне аб змяненні меж свабоднай эканамічнай зоны з уключэннем у яе межы тэрыторый, на якіх размешчаны зямельныя ўчасткі, прадстаўленыя землямі сельскагаспадарчага прызначэння, ляснымі землямі ляснога фонду (прыродаахоўных, рэкрэацыйна-аздараўленчых і ахоўных лясоў), прымаецца Саветам Міністраў па ўзгадненні з Прэзідэнтам.

Прапанаваныя законапраектам змяненні ствараюць умовы для актывізацыі інвестыцыйнай дзейнасці суб'ектаў гаспадарання за кошт паскарэння працэсу пачатку рэалізацыі новых інвестыцыйных дагавораў, а таксама ўключэння ў межы СЭЗ найбольш запатрабаваных тэрыторый.

"Прадугледжаныя змяненні дадуць магчымасць стварыць адпаведныя ўмовы для актывізацыі інвестыцыйнай дзейнасці за кошт паскарэння працэсу рэалізацыі новых інвестыцыйных праектаў, а таксама ўключэння ў межы свабодных эканамічных зон найбольш запатрабаваных тэрыторый, - адзначыла дэпутат. - Свабодныя эканамічныя зоны - гэта льготнае падаткаабкладанне. У нашай краіне дзейнічае 6 свабодных эканамічных зон, вялікая колькасць прадпрыемстваў знаходзіцца ў іх межах і за кошт ільготнага падаткаабкладання гэта даступныя цэны, вытворчасць на зусім іншых умовах і, вядома, прыцягненне інвестыцый з іншых краін у Беларусь".

Законапраект накіроўваўся на разгляд у пастаянныя камісіі Палаты прадстаўнікоў, галоўнае прававое ўпраўленне сакратарыята, Савет Рэспублікі і галоўнае дзяржаўна-прававое ўпраўленне Адміністрацыі Прэзідэнта. Канцэптуальных заўваг і прапаноў не выказана.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі