22 красавіка, Мінск /Кар. БЕЛТА/. Пасольства Беларусі ў Сербіі прыняло ўдзел у мерапрыемстве, прысвечаным Дню памяці ахвяр халакосту, генацыду і іншых ахвяр фашызму. Аб гэтым расказалі карэспандэнту БЕЛТА ў беларускай загранстанове.
"Супрацоўнікі пасольства прынялі ўдзел у мемарыяльнай цырымоніі, прысвечанай Дню памяці ахвяр халакосту, генацыду і іншых ахвяр фашызму, якая прайшла ў Бялградзе каля Манумента ахвярам генацыду падчас Другой сусветнай вайны", - расказалі ў дыпламатычнай місіі.
У рамках мерапрыемства адбылося ўскладанне вянкоў да манумента. Акрамя таго, з прамовай выступіў прэзідэнт Сербіі Аляксандр Вучыч. Сярод удзельнікаў цырымоніі былі старшыня Народнай скупшчыны Сербіі, члены ўрада, кіраўніцтва сталічнай мэрыі, прадстаўнікі нацыянальных меншасцей, грамадскіх арганізацый, сродкаў масавай інфармацыі, а таксама кіраўнікі і супрацоўнікі дыпламатычных місій замежных краін.-0-
