Айджаз Мухамад. Фота з архіва
10 красавіка, Мінск /Кар. БЕЛТА/. Афіцыйны візіт у Беларусь прэм'ер-міністра Пакістана Шахбаза Шарыфа адкрые новую старонку беларуска-пакістанскага супрацоўніцтва. Такое меркаванне выказаў карэспандэнту БЕЛТА Надзвычайны і Паўнамоцны Пасол Ісламскай Рэспублікі Пакістан у Рэспубліцы Беларусь Айджаз Мухамад.
Дыпламат звярнуў увагу, што візіт накіраваны на ўмацаванне ўзаемадзеяння паміж дзвюма краінамі, у тым ліку ў сферах гандлю, інвестыцый, сельскай гаспадаркі і прамысловасці. "Фундамент гэтага візіту быў закладзены ў ходзе напярэдадні праведзеных беларуска-пакістанскіх мерапрыемстваў. У першую чаргу гэта восьмае пасяджэнне пакістана-беларускай міжурадавай камісіі па гандлёва-эканамічным супрацоўніцтве, якое прайшло ў лютым у Мінску", - падкрэсліў пасол.
Ён заявіў, што з моманту ўстанаўлення дыпламатычных адносін беларуска-пакістанскія сувязі развіваюцца беспрэцэдэнтнымі тэмпамі. Візіты на вышэйшым узроўні паміж нашымі дзвюма краінамі становяцца ўсё больш частымі, апошнім з якіх было наведванне Прэзідэнтам Беларусі Аляксандрам Лукашэнкам Пакістана ў лістападзе 2024 года. Па выніках перагавораў была падпісана дарожная карта ўсебаковага супрацоўніцтва Беларусі і Пакістана на 2025-2027 гады і шэраг іншых міжнародных дакументаў.
Як паведамлялася БЕЛТА, Прэзідэнт Беларусі Аляксандр Лукашэнка 11 красавіка правядзе ў Мінску перагаворы з прэм'ер-міністрам Пакістана Шахбазам Шарыфам. Сустрэча двух лідараў пройдзе ў Палацы Незалежнасці ў вузкім і пашыраным складах з удзелам членаў дэлегацый. Аляксандр Лукашэнка і Шахбаз Шарыф абмяркуюць ход рэалізацыі дамоўленасцей, дасягнутых у час афіцыйнага візіту кіраўніка беларускай дзяржавы ў Пакістан у лістападзе 2024 года. Акцэнт будзе зроблены на далейшым развіцці гандлёва-эканамічнага супрацоўніцтва, у тым ліку ў сферах прамысловасці і забеспячэння харчовай бяспекі, умацаванні гуманітарных сувязей.
Асобную ўвагу бакі ўдзеляць ключавым пытанням глабальнага і рэгіянальнага парадку дня, узаемадзеянню дзвюх дзяржаў на міжнародных пляцоўках. Па выніках перагавораў чакаецца падпісанне шэрага двухбаковых дакументаў.-0-
Дыпламат звярнуў увагу, што візіт накіраваны на ўмацаванне ўзаемадзеяння паміж дзвюма краінамі, у тым ліку ў сферах гандлю, інвестыцый, сельскай гаспадаркі і прамысловасці. "Фундамент гэтага візіту быў закладзены ў ходзе напярэдадні праведзеных беларуска-пакістанскіх мерапрыемстваў. У першую чаргу гэта восьмае пасяджэнне пакістана-беларускай міжурадавай камісіі па гандлёва-эканамічным супрацоўніцтве, якое прайшло ў лютым у Мінску", - падкрэсліў пасол.
Ён заявіў, што з моманту ўстанаўлення дыпламатычных адносін беларуска-пакістанскія сувязі развіваюцца беспрэцэдэнтнымі тэмпамі. Візіты на вышэйшым узроўні паміж нашымі дзвюма краінамі становяцца ўсё больш частымі, апошнім з якіх было наведванне Прэзідэнтам Беларусі Аляксандрам Лукашэнкам Пакістана ў лістападзе 2024 года. Па выніках перагавораў была падпісана дарожная карта ўсебаковага супрацоўніцтва Беларусі і Пакістана на 2025-2027 гады і шэраг іншых міжнародных дакументаў.
Як паведамлялася БЕЛТА, Прэзідэнт Беларусі Аляксандр Лукашэнка 11 красавіка правядзе ў Мінску перагаворы з прэм'ер-міністрам Пакістана Шахбазам Шарыфам. Сустрэча двух лідараў пройдзе ў Палацы Незалежнасці ў вузкім і пашыраным складах з удзелам членаў дэлегацый. Аляксандр Лукашэнка і Шахбаз Шарыф абмяркуюць ход рэалізацыі дамоўленасцей, дасягнутых у час афіцыйнага візіту кіраўніка беларускай дзяржавы ў Пакістан у лістападзе 2024 года. Акцэнт будзе зроблены на далейшым развіцці гандлёва-эканамічнага супрацоўніцтва, у тым ліку ў сферах прамысловасці і забеспячэння харчовай бяспекі, умацаванні гуманітарных сувязей.
Асобную ўвагу бакі ўдзеляць ключавым пытанням глабальнага і рэгіянальнага парадку дня, узаемадзеянню дзвюх дзяржаў на міжнародных пляцоўках. Па выніках перагавораў чакаецца падпісанне шэрага двухбаковых дакументаў.-0-
Падпісвайцеся на нас у
