ДЗЯРЖОРГАНЫДЗЯРЖОРГАНЫ
Флаг Нядзеля, 26 чэрвеня 2022
Мінск Ясна +19°C
Усе навіны
Усе навіны
Палітыка
29 сакавіка 2022, 13:30

Пасол В'етнама бачыць патэнцыял для падваення тавараабароту з Беларуссю

Нгуен Ван Нгы
Нгуен Ван Нгы

29 сакавіка, Мінск /Кар. БЕЛТА/. Пасол В'етнама ў Беларусі Нгуен Ван Нгы бачыць патэнцыял для падваення тавараабароту з Беларуссю. Аб гэтым ён заявіў журналістам пасля сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

"Мы падвялі некаторыя вынікі супрацоўніцтва і абмеркавалі перспектывы пашырэння і ўмацавання нашых адносін у новых галінах, у першую чаргу эканамічнае супрацоўніцтва", - расказаў дыпламат.

Ён падкрэсліў, што ў Беларусі і В'етнама ёсць вялікі патэнцыял для развіцця ўзаемадзеяння. "Можна скарыстацца, каб падвоіць тавараабарот. Мы будзем прыкладаць далейшыя намаганні, каб гэта супрацоўніцтва паглыбляць і пашыраць", - заявіў Нгуен Ван Нгы.

Як паведамлялася БЕЛТА, на сустрэчы з в'етнамскім дыпламатам Аляксандр Лукашэнка заявіў, што супрацоўніцтва Беларусі і В'етнама заўсёды прыносіла і будзе прыносіць абедзвюм краінам карысць: "Мы заўсёды будзем рабіць усё для таго, каб В'етнам развіваўся. Гэта не толькі таму, што мы любім в'етнамскі народ. Гэта сапраўды так: мы з любоўю ставімся да вашага народа. Але гэта яшчэ і таму, што з пункту гледжання эканомікі гэта выгадна. Гэты прагматызм характэрны і для нашага народа, і для в'етнамскага. Гэта супрацоўніцтва заўсёды прыносіла і будзе прыносіць карысць".

У 2021 годзе тавараабарот паміж Беларуссю і В'етнамам склаў больш за $200 млн. Беларусь экспартавала калійныя ўгнаенні, прадукцыю жывёлагадоўлі, вырабы прыборабудавання, лякарствы і касметыку. Закупляліся ў В'етнаме каўчук, арэхі, рыбнае філе, інтэгральныя схемы, палімеры прапілену, кансерваваныя прадукты.

У В'етнаме працуе зборачная вытворчасць грузавікоў МАЗ. Прапрацоўваюцца пастаўкі спецыяльных трактароў "Беларус" для работы на рысавых палях, кар'ернай тэхнікі БЕЛАЗ. Паміж краінамі ёсць дамоўленасці наконт будаўніцтва прадпрыемства па вытворчасці малака і малочнай прадукцыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі