22 снежня, Мінск /Кар. БЕЛТА/. Палесціна зацікаўлена развіваць адносіны з Беларуссю, заявіў Надзвычайны і Паўнамоцны Пасол Палесціны ў Беларусі Ахмед Махамед аль-Мадбух у час сустрэчы са старшынёй Савета Рэспублікі Наталляй Качанавай, перадае карэспандэнт БЕЛТА.
"Мы адкрыты і ў нас ёсць вялікае жаданне працаваць над нашымі адносінамі, развіваць іх", - сказаў Ахмед Махамед Аль-Мадбух.
Паводле яго слоў, паміж нашымі краінамі склаўся добры дыялог у палітычнай сферы. "Мы ўдзячны Рэспубліцы Беларусь за падтрымку, якая аказваецца Палесціне на міжнароднай арэне. Гэта вельмі важна для нас", - адзначыў пасол.
"Нягледзячы на ўсе цяжкасці, якія ёсць у нашай краіне, мы стараемся і працуем на развіццё адносін з іншымі краінамі, якія нас разумеюць і цэняць шчырую дружбу паміж народамі. Мы лічым, што Беларусь - гэта краіна, з якой мы разумеем адзін аднаго. І мы цэнім адносіны паміж нашымі народамі", - дадаў Ахмед Махамед аль-Мадбух.-0-
