11 сакавіка, Мінск /Кар. БЕЛТА/. Надзвычайны і Паўнамоцны Пасол Грузіі ў Беларусі Гіёргі Саганелідзэ, які 11 сакавіка ўручыў даверчыя граматы Прэзідэнту Беларусі Аляксандру Лукашэнку, аптымістычна ацэньвае перспектывы двухбаковага супрацоўніцтва. Аб гэтым ён заявіў, адказваючы на пытанні журналістаў, перадае карэспандэнт БЕЛТА.
Дыпламат адзначыў, што пачынае выкананне сваёй місіі на пасадзе пасла "ў самым найлепшым настроі", тым больш што ў гэтым годзе зіма ў Мінску выдалася цёплай і даволі сонечнай, а адносіны беларускага народа заўсёды былі і застаюцца цёплымі і дружалюбнымі. Аб гэтым пасол ведае з асабістага вопыту, паколькі з верасня 2023 года з'яўляўся часовым павераным у справах Грузіі ў Беларусі.
"Ёсць узаемнае разуменне, што трэба збліжаць нашы народы, якія вельмі станоўча ставяцца адзін да аднаго, трэба развіваць супрацоўніцтва, - сказаў Гіёргі Саганелідзэ. - Мы разумеем, што часы няпростыя. Адпаведна, трэба знаходзіць агульныя падыходы і развіваць нашы двухбаковыя адносіны ў тых напрамках, якія выгадны абедзвюм краінам. Думаю, у нас гэта атрымаецца".
Наконт магчымасці вярнуць узаемаадносіны Беларусі і Грузіі на ранейшы ўзровень супрацоўніцтва або хаця б да яго наблізіцца дыпламат адзначыў: "Трэба старацца вырульваць (шукаць шляхі выхаду з існуючай сітуацыі ў напрамку актывізацыі ўзаемаадносін. - Заўвага БЕЛТА). Галоўнае, каб быў мір у нашых краінах, у нашых рэгіёнах. А далей ужо спадзяюся на лепшае".
Дыпламат адзначыў, што пачынае выкананне сваёй місіі на пасадзе пасла "ў самым найлепшым настроі", тым больш што ў гэтым годзе зіма ў Мінску выдалася цёплай і даволі сонечнай, а адносіны беларускага народа заўсёды былі і застаюцца цёплымі і дружалюбнымі. Аб гэтым пасол ведае з асабістага вопыту, паколькі з верасня 2023 года з'яўляўся часовым павераным у справах Грузіі ў Беларусі.
"Ёсць узаемнае разуменне, што трэба збліжаць нашы народы, якія вельмі станоўча ставяцца адзін да аднаго, трэба развіваць супрацоўніцтва, - сказаў Гіёргі Саганелідзэ. - Мы разумеем, што часы няпростыя. Адпаведна, трэба знаходзіць агульныя падыходы і развіваць нашы двухбаковыя адносіны ў тых напрамках, якія выгадны абедзвюм краінам. Думаю, у нас гэта атрымаецца".
Наконт магчымасці вярнуць узаемаадносіны Беларусі і Грузіі на ранейшы ўзровень супрацоўніцтва або хаця б да яго наблізіцца дыпламат адзначыў: "Трэба старацца вырульваць (шукаць шляхі выхаду з існуючай сітуацыі ў напрамку актывізацыі ўзаемаадносін. - Заўвага БЕЛТА). Галоўнае, каб быў мір у нашых краінах, у нашых рэгіёнах. А далей ужо спадзяюся на лепшае".
Адказваючы на пытанне, ці бачаць у Грузіі імкненне з беларускага боку да наладжвання больш цеснага дыялогу, Гіёргі Саганелідзэ падкрэсліў: "Безумоўна. Гэта двухбаковы рух. У любых стасунках заўсёды так - трэба развіваць далейшыя адносіны пры жаданні двух ці больш бакоў (калі размова аб шматбаковых адносінах). І ў кіраўніцтва Беларусі, і ў кіраўніцтва Грузіі ёсць такое жаданне. Думаю, што калі вельмі пастарацца, усё атрымаецца".-0-
Падпісвайцеся на нас у
