5 красавіка, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Узбекістан Леанід Марыніч сумесна з пасламі іншых дзяржаў - удзельніц СНД 3 красавіка сустрэўся з намеснікам міністра замежных спраў Рэспублікі Узбекістан Бахрамжонам Алоевым. Аб гэтым карэспандэнту БЕЛТА расказалі ў беларускай загранустанове ў Ташкенце.
У пасольстве адзначылі, што на сустрэчы адбыўся актыўны абмен меркаваннямі па розных аспектах узаемадзеяння бакоў у рамках Садружнасці Незалежных Дзяржаў і рэалізацыі сумесных праграм.
Удзельнікі мерапрыемства таксама абмеркавалі шэраг арганізацыйна-пратакольных пытанняў, якія датычыліся падрыхтоўкі да маючага адбыцца пасяджэння Савета міністраў замежных спраў краін - удзельніц СНД і шэрага паралельных мерапрыемстваў, якія пройдуць 13-14 красавіка ў г. Самаркандзе (Рэспубліка Узбекістан).-0-
