Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Пасол Беларусі ўручыў копіі даверчых грамат у МЗС Чылі

Палітыка 04.05.2019 | 16:37
Уладзімір Астапенка і Франк Трэслер Замарана. Фота пасольства Беларусі ў Аргенціне
Уладзімір Астапенка і Франк Трэслер Замарана. Фота пасольства Беларусі ў Аргенціне

4 мая, Мінск /Кар. БЕЛТА/. Пасол Беларусі ў Аргенцінскай Рэспубліцы і па сумяшчальніцтве ў Рэспубліцы Чылі Уладзімір Астапенка ўручыў копіі даверчых грамат начальніку Галоўнага ўпраўлення цырыманіялу і пратакола МЗС Чылі Франку Трэслеру Замарана. Аб гэтым БЕЛТА паведамілі ў беларускай дыпмісіі.

Уладзімір Астапенка таксама сустрэўся з намеснікам міністра замежных спраў Чылі Радрыга Яньесам Бенітэсам. Бакі абмяняліся думкамі аб бягучым стане і перспектывах развіцця гандлёва-эканамічнага супрацоўніцтва, аб правядзенні кансультацый паміж міністэрствамі замежных спраў. Адбыліся перагаворы беларускага пасла з кіраўнікамі падраздзяленняў МЗС Чылі, на якіх былі прадметна разгледжаны пытанні ўмацавання дагаворна-прававой базы і актывізацыі двухбаковага ўзаемадзеяння.

Акрамя таго, у час знаходжання ў Чылі Уладзімір Астапенка плануе сустрэцца з кіраўніцтвам горназдабыўных кампаній, зацікаўленых у набыцці беларускай тэхнікі і абсталявання.

Чакаецца таксама, што дыпламат сустрэнецца з прадстаўнікамі сям'і Дамейкі - нашчадкамі і сваякамі знакамітага беларуса Ігната Дамейкі, сусветна вядомага вучонага-мінералога, удзельніка вызваленчага руху ў Беларусі ў 19-м стагоддзі, вымушанага паехаць у Чылі і стаўшага там нацыянальным героем, а таксама рэктарам Чылійскага ўніверсітэта.

Уладзімір Астапенка, з'яўляючыся Надзвычайным і Паўнамоцным паслом Рэспублікі Беларусь у Аргенціне і па сумяшчальніцтве ва Уругваі, у 2018 годзе быў назначаны таксама паслом у Чылі, Парагваі і Перу па сумяшчальніцтве.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Акцыя "Увага - дзеці!" Напярэдадні летніх канікулаў у Беларусі праходзіць акцыя "Увага - дзеці!". Тэрміны акцыі: 25 мая - 5 чэрвеня. Мэта - пазбегнуць траўматызму дзяцей на дарогах.