21 кастрычніка, Мінск /Кар. БЕЛТА/. Надзвычайны і Паўнамоцны Пасол Беларусі ў Таджыкістане Віктар Дзенісенка ўручыў копіі даверчых грамат міністру замежных спраў Таджыкістана Сіраджыдзіну Мухрыдзіну, паведамілі БЕЛТА ў прэс-службе МЗС Беларусі.
У час размовы бакі абмяняліся думкамі аб стане і перспектывах развіцця беларуска-таджыкскіх адносін і стратэгічнага партнёрства, абмеркавалі шырокае кола пытанняў двухбаковага парадку дня, уключаючы ўмацаванне дагаворна-прававой базы ў розных сферах, а таксама ўзаемадзеянне ў рамках міжнародных арганізацый.
Сіраджыдзін Мухрыдзін пажадаў Віктару Дзенісенку поспехаў у ажыццяўленні яго дзейнасці на карысць далейшага паглыблення дружалюбных сувязей паміж Беларуссю і Таджыкістанам.-0-
