14 чэрвеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Каралеўстве Саудаўская Аравія (па сумяшчальніцтве) Андрэй Лучанок уручыў копіі даверчых грамат міністру замежных спраў краіны КСА Ібрагіму аль-Асафу. Аб гэтым БЕЛТА паведамілі ў пасольстве нашай краіны ў ААЭ.
"Міністр замежных спраў Саудаўскай Аравіі вітаў новага пасла Беларусі ў КСА і выказаў гатоўнасць саудаўскага боку аказваць усялякае садзейнічанне ў яго дзейнасці. Ібрагім аль-Асаф падкрэсліў важнасць супрацоўніцтва паміж Саудаўскай Аравіяй і Беларуссю", - праінфармавалі ў пасольстве.
Бакі выказалі намер прадоўжыць развіццё двухбаковага палітычнага дыялогу, гандлёва-эканамічных адносін паміж краінамі, а таксама ўзаемадзеянне ў іншых галінах, якія ўяўляюць узаемны інтарэс.-0-
