ДЗЯРЖОРГАНЫДЗЯРЖОРГАНЫ
Флаг Нядзеля, 4 снежня 2022
Мінск Суцэльная воблачнасць -5°C
Усе навіны
Усе навіны
Палітыка
20 верасня 2022, 15:53

Пасол Беларусі ўручыў даверчыя граматы Прэзідэнту Расіі

Фота з архіва
Фота з архіва

20 верасня, Масква /Эдуард Півавар - БЕЛТА/. Надзвычайны і Паўнамоцны Пасол Рэспублікі Беларусь у Расійскай Федэрацыі Дзмітрый Крутой сёння ўручыў даверчыя граматы Прэзідэнту Расіі Уладзіміру Пуціну. Урачыстая цырымонія прайшла ў Аляксандраўскай зале Вялікага Крамлёўскага палаца, перадае карэспандэнт БЕЛТА.

Разам з паслом Беларусі даверчыя граматы ўручылі прадстаўнікі яшчэ 23 дзяржаў. У іх ліку паслы Алжыра, Егіпта, Манголіі, Партугаліі, Арменіі, Філіпін, Малдовы, Сербіі, Венесуэлы, Кувейта, Кіпра і іншых краін.

Прымаючыя даверчыя граматы, Прэзідэнт Расіі коратка ахарактарызаваў адносіны з кожнай з дзяржаў, паслы якіх удзельнічалі ў цырымоніі. Гаворачы аб Беларусі, ён назваў яе братэрскай краінай, бліжэйшым саюзнікам і стратэгічным партнёрам. "Развіваецца шматпрофільнае інтэграцыйнае ўзаемадзеянне дзвюх краін, паслядоўна рэалізуецца асноўны Дагавор аб стварэнні Саюзнай дзяржавы, а таксама дадаткова ўзгодненыя ў развіццё гэтага дагавора 28 канкрэтных праграм, - канстатаваў Уладзімір Пуцін. - У рабоце - маштабныя гандлёвыя і інвестыцыйныя праекты, нацэленыя на далейшы рост дабрабыту расійскіх і беларускіх грамадзян. Сумесна процістаім выклікам і пагрозам бяспецы нашых дзяржаў, актыўна супрацоўнічаем у рамках АДКБ, ЕАЭС і СНД".

Расійскі лідар таксама адзначыў, што на нядаўнім саміце ў Самаркандзе прынята рашэнне аб пачатку прыёму Рэспублікі Беларусь у якасці паўнапраўнага члена Шанхайскай арганізацыі супрацоўніцтва. "Будзем садзейнічаць паўнацэннаму ўбудоўванню Беларусі ў гэту аўтарытэтную рэгіянальную арганізацыю", - запэўніў Прэзідэнт Расіі.

Звяртаючыся да ўсіх паслоў, Уладзімір Пуцін паабяцаў ім падтрымку ў ініцыятывах па ўмацаванні адносін іх краін з Расіяй. "Зыходзім з таго, што ў полі вашага зроку будуць знаходзіцца пытанні пашырэння палітычнага дыялогу, гандлёва-эканамічных сувязей, паглыблення культурна-гуманітарных абменаў, кантактаў паміж людзьмі, - сказаў ён. - І мы шчыра зацікаўлены, каб работа ўзначаленых вамі пасольстваў на гэтых ключавых напрамках была паспяховай".

Расійскі лідар павіншаваў паслоў з афіцыйным пачаткам дыпламатычнай дзейнасці ў Маскве. Ён лічыць, што на дыпламатаў ускладзена важная і адказная місія - садзейнічаць развіццю шматпланавых адносін паміж дзяржавамі, якія яны прадстаўляюць, і Расіяй.

Закрануўшы пытанні глабальнай палітыкі, Уладзімір Пуцін выказаў упэўненасць, што рух да шматпалярнасці стаў галоўным вектарам у свеце. "Ваша работа праходзіць ва ўмовах, калі паскараюцца працэсы кардынальнай трансфармацыі ўсёй архітэктуры міжнародных адносін, калі ўступае ў актыўную фазу фарміраванне шматпалярнай, больш дэмакратычнай і справядлівай сістэмы светаўладкавання, а тое, што рух да шматпалярнага свету з'яўляецца магістральным, стратэгічным вектарам у сусветнай палітыцы, пацвердзіў праведзены гэтымі днямі ў Самаркандзе саміт Шанхайскай арганізацыі супрацоўніцтва", - звярнуўся Уладзімір Пуцін да паслоў.

Ён таксама заявіў, што гегемонія асобных краін у свеце не можа прадаўжацца вечна. "Аб'ектыўнае развіццё ў бок шматпалярнасці натыкаецца, на жаль, на супраціўленне тых, хто спрабуе захаваць ролю гегемона ў сусветных справах і кантраляваць усё: і Лацінскую Амерыку, і Еўропу, і Азію, і Афрыку, - сказаў Уладзімір Пуцін. - Трэба сказаць, што ў гэтага гегемона нядрэнна гэта атрымлівалася на працягу даволі доўгага часу, але прадаўжацца вечна так не можа, гэта немагчыма".

Уладзімір Пуцін падкрэсліў, што санкцыі, якія ўводзяцца заходнімі дзяржавамі, негатыўна дзейнічаюць і на іх саміх, і на бяднейшыя краіны. "Каб умацаваць сваё становішча, уводзяцца нелегітымныя санкцыі, ажыццяўляецца націск па ўсіх вектарах, у тым ліку, вядома, і на Расію. Аднак тыя, хто робіць гэта, бачаць, што іх дзеянні прыводзяць да негатыўных наступстваў для іх саміх. На жаль, ад такой палітыкі церпяць і зусім невінаватыя дзяржавы, перш за ўсё тыя, якія сталі на шлях развіцця і бяднейшыя, - канстатаваў ён. - Менавіта на іх у першую чаргу паўплывалі заходнія абмежаванні на пастаўкі расійскіх энерганосьбітаў, прадуктаў харчавання, угнаенняў на сусветныя рынкі".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі