23 красавіка, Мінск /Кар. БЕЛТА/. Пасол Беларусі ў Венгрыі і Харватыі (па сумяшчальніцтве) Аляксандр Панамароў уручыў даверчыя граматы прэзідэнту Харватыі Каліндзе Грабар-Кітаравіч, паведамілі БЕЛТА ў прэс-службе МЗС Беларусі.
У час сустрэчы бакі адзначылі істотны патэнцыял у развіцці беларуска-харвацкіх адносін і наяўнасць узаемных намераў пашыраць дзелавыя і культурныя сувязі. Кіраўнік харвацкай дзяржавы выказала зацікаўленасць у наведванні выстаўкі "Спадчына Беларусі", якая адкрыецца ў маі ў горадзе Рыека.-0-
