3 кастрычніка, Мінск /Кар. БЕЛТА/. Надзвычайны і Паўнамоцны Пасол Беларусі ў Аргенціне і Чылі па сумяшчальніцтве Уладзімір Астапенка ўручыў даверчыя граматы прэзідэнту Чылі Себасцьяну Піньеру. Аб гэтым БЕЛТА паведамілі ў прэс-службе Міністэрства замежных спраў.
Урачыстая цырымонія адбылася ў прэзідэнцкім палацы "Ла Манеда" з удзелам міністра замежных спраў Чылі Тэадора Рыберы і іншых афіцыйных асоб.
"У ходзе кароткай гутаркі, праведзенай пасля ўручэння даверчых грамат, бакі абмеркавалі пытанні актывізацыі разнапланавага супрацоўніцтва, у тым ліку ў частцы рэалізацыі камерцыйных і інвестыцыйных ініцыятыў", - праінфармавалі ў МЗС.
Плануецца, што ў час знаходжання Уладзіміра Астапенкі ў Санцьяга адбудуцца яго сустрэчы з кіраўніцтвам МЗС Чылі, кіраўнікамі шэрага дыпламатычных місій, акрэдытаваных у краіне, а таксама з прадстаўнікамі мясцовых дзелавых колаў.-0-
