5 студзеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы Юрый Сянько 4 студзеня сустрэўся з генеральным сакратаром Шанхайскай арганізацыі супрацоўніцтва (ШАС) Чжан Мінам. Аб гэтым карэспандэнту БЕЛТА паведамілі ў беларускай загранустанове ў Пекіне.
"Бакі абмеркавалі актуальны парадак дня ўзаемадзеяння паміж Рэспублікай Беларусь і Шанхайскай арганізацыяй супрацоўніцтва, абмяняліся думкамі аб перспектывах развіцця арганізацыі", - падкрэслілі ў беларускай дыпламатычнай місіі ў Кітаі.
Асаблівая ўвага ў час сустрэчы была ўдзелена рэалізацыі падпісанага ў ходзе вераснёўскага пасяджэння Савета кіраўнікоў дзяржаў ва ўзбекскім горадзе Самарканд рашэння аб пачатку працэдуры прыёму Беларусі ў члены Шанхайскай арганізацыі супрацоўніцтва, а таксама кантактам на вышэйшым і высокім узроўнях у 2023 годзе.-0-
