24 мая, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам Уладзімір Баравікоў прыняў удзел у адкрыцці чарговай сесіі Нацыянальнага сходу В'етнама XV склікання. Аб гэтым карэспандэнту БЕЛТА расказалі ў беларускай дыпламатычнай місіі ў В'етнаме.
На пляцоўцы мерапрыемства пасол правёў кароткія перагаворы з шэрагам в'етнамскіх чыноўнікаў і прадстаўнікоў дыпламатычнага корпуса, у час якіх размова ішла аб развіцці двухбаковых сувязей.
У пасольстве Беларусі звярнулі ўвагу на важнасць развіцця міжпарламенцкага супрацоўніцтва. Абмен візітамі старшынь беларускага і в'етнамскага парламентаў адбыўся ў 2018 і 2019 гадах адпаведна. Сфарміраваны і працуюць міжпарламенцкія групы дружбы.
У час сесіі Нацыянальнага сходу В'етнама парламентарыі прымуць шэраг законаў у галіне праваахоўнай дзейнасці, абароны інтэлектуальнай уласнасці, страхавання, развіцця нацыянальнага кінематографа. Асаблівая ўвага будзе ўдзелена выкананню плана сацыяльна-эканамічнага развіцця і дзяржбюджэту.-0-
