6 верасня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Арменія Аляксандр Канюк 6 верасня сустрэўся з сакратаром Савета бяспекі Рэспублікі Арменія Арменам Грыгаранам. Аб гэтым карэспандэнту БЕЛТА расказалі ў пасольстве нашай краіны ў Ерэване.
У ходзе праведзенай размовы бакі абмеркавалі шэраг пытанняў беларуска-армянскага дыялогу. Субяседнікі выказалі надзею, што сустрэча пасадзейнічае развіццю дружалюбных адносін дзвюх дзяржаў і дамовіліся прыкласці неабходныя намаганні для актывізацыі двухбаковага супрацоўніцтва і абмену вопытам.
Дыпламатычныя адносіны паміж Рэспублікай Беларусь і Рэспублікай Арменія ўстаноўлены 11 чэрвеня 1993 года. У верасні 2001 года ў Ерэване адкрыта пасольства Рэспублікі Беларусь. Пасольства Рэспублікі Арменія ў Мінску функцыянуе з 1993 года. З устанаўленнем дыпламатычных адносін супрацоўніцтва Беларусі і Арменіі выйшла на якасна новы ўзровень.-0-
