12 ліпеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Японіі Руслан Есін 12-14 ліпеня наведвае прэфектуру Нагана. Аб гэтым карэспандэнту БЕЛТА расказалі ў пасольстве нашай краіны ў Токіа.
Дыпламат 12 ліпеня сустрэўся з мэрам горада Саку Сейджы Янагіда і абмеркаваў пытанні міжрэгіянальнага ўзаемадзеяння, а таксама эканамічнай кааперацыі з Беларуссю, супрацоўніцтва ў сферах адукацыі, навукі, спорту і культуры.
Праведзены таксама перагаворы з прадстаўнікамі рэгіянальных кампаній па пытанні паставак беларускага соладу і іншых тавараў у Японію.
У ходзе паездкі запланавана правядзенне прэзентацыі эканамічнага патэнцыялу Беларусі для прадстаўнікоў рэгіянальнай гандлёва-прамысловай палаты і дзелавых аб'яднанняў рэгіёна.-0-
