14 кастрычніка, Масква /Эдуард Півавар - БЕЛТА/. Графік беларуска-егіпецкіх кантактаў на вышэйшым і высокім узроўнях абмеркавалі сёння на сустрэчы ў Маскве пасол Беларусі ў Расіі Уладзімір Сямашка і пасол Егіпта ў Расіі і Беларусі па сумяшчальніцтве Іхаб Ахмед Талаат Наср, паведамілі БЕЛТА ў прэс-службе беларускай дыпмісіі.
"Бакі прадметна абмеркавалі шырокі спектр пытанняў па далейшай актывізацыі палітычнага дыялогу, гандлёва-эканамічнага і гуманітарнага супрацоўніцтва дзвюх краін, графік будучых кантактаў на вышэйшым і высокім узроўнях", - адзначылі ў прэс-службе.
Аб'ём тавараабароту паміж Беларуссю і Егіптам у 2018 годзе склаў $108 млн, за студзень-жнівень 2019 года - $107,5 млн і павялічыўся ў параўнанні з аналагічным мінулагоднім перыядам на 59 працэнтаў.-0-
