ДЗЯРЖОРГАНЫДЗЯРЖОРГАНЫ
Флаг Аўторак, 24 мая 2022
Мінск Ясна +18°C
Усе навіны
Усе навіны
Палітыка
23 снежня 2021, 09:27

Пасяджэнне Кансультатыўнага камітэта кіраўнікоў прававых службаў МЗС СНД прайшло ў Мінску

Фота cis.minsk.by
Фота cis.minsk.by

23 снежня, Мінск /Кар. БЕЛТА/. Чарговае пасяджэнне Кансультатыўнага камітэта кіраўнікоў прававых службаў міністэрстваў замежных спраў дзяржаў - удзельніц СНД адбылося 22 снежня ў штаб-кватэры Садружнасці ў Мінску. Аб гэтым БЕЛТА паведамілі ў прэс-службе Выканкама СНД.

У пасяджэнні, якое праходзіла з выкарыстаннем відэа-канферэнц-сувязі, прынялі ўдзел кіраўнікі і эксперты прававых службаў знешнепалітычных ведамстваў Беларусі, Арменіі, Казахстана, Кыргызстана, Расіі, Таджыкістана і Узбекістана, а таксама прадстаўнікі прававога дэпартамента Выканкама СНД. Удзельнікі пасяджэння абмеркавалі перспектывы работы над канвенцыяй аб прававым статусе дэлегацый, якія накіроўваюцца ў дзяржавы - ўдзельніцы СНД, у сувязі з чым згадзіліся з неабходнасцю прыцягнуць да распрацоўкі дакумента прадстаўнікоў усіх дзяржаў Садружнасці.

Члены камітэта абмяняліся думкамі адносна аналізу практыкі ўрэгулявання суадносін міжнародных абавязацельстваў пры распрацоўцы і заключэнні міжнародных дагавораў у рамках СНД. Традыцыйна адбылася і змястоўная дыскусія па актуальных пытаннях прававога супрацоўніцтва на прасторы СНД, а таксама магчымасцях далейшага ўмацавання ўзаемадзеяння ў міжнародна-прававой сферы на пляцоўках ключавых міжнародных арганізацый, у тым ліку ўніверсальных.

Наступнае пасяджэнне Кансультатыўнага камітэта адбудзецца ў першай палове 2022 года ў рамках старшынства Рэспублікі Казахстан.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі