ДЗЯРЖОРГАНЫДЗЯРЖОРГАНЫ
Аўторак, 21 студзеня 2020
Мінск Суцэльная воблачнасць +4°C
Усе навіны
Усе навіны
Палітыка
17 лістапада 2019, 13:04

Парламенцкія выбары ў Беларусі праходзяць у адпаведнасці з дэмакратычнымі стандартамі - сербскі наглядальнік

Драгамір Карыч. Фота з архіва
Драгамір Карыч. Фота з архіва

17 лістапада, Мінск /Аліна Грышкевіч - БЕЛТА/. Парламенцкая выбарчая кампанія праходзіць у Беларусі ў адпаведнасці з дэмакратычнымі стандартамі. Аб гэтым сказаў карэспандэнту БЕЛТА сербскі наглядальнік Драгамір Карыч.

Ён ужо наведаў разам з калегамі шэраг участкаў у Мінску, сёння плануе пабываць яшчэ на некаторых. "Выбарчая кампанія праходзіць нармальна, у адпаведнасці з еўрапейскімі дэмакратычнымі стандартамі, гэтак жа як і ў іншых краінах Еўропы, - сказаў Драгамір Карыч. - Мы бачым, што для тых, хто ўдзельнічае ў галасаванні створаны добрыя ўмовы і пануе святочная атмасфера".

Сербскі наглядальнік адзначыў важнасць таго, што ў Беларусі за апошнія гады адбылося шмат пазітыўных перамен. "Я бываю на тэрыторыі Беларусі з савецкіх часоў, і ваша краіна як ніхто іншы змагла захаваць стабільнасць, парадак. Гэта відаць не толькі на прыкладзе Мінска, але і невялікіх гарадоў", - падкрэсліў Драгамір Карыч. Ён таксама адзначыў, што еўрапейскія турысты, якія ўпершыню наведваюць Беларусь, часта бываюць здзіўлены, наколькі беларусы беражліва ставяцца да сваёй гісторыі, экалогіі, падтрымання парадку.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі