Сцяг Чацвер, 28 сакавіка 2024
Усе навіны
Усе навіны
Палітыка
26 чэрвеня 2018, 16:13

Парламентарыі Францыі падкрэсліваюць важную ролю Беларусі ва ўмацаванні даверу і бяспекі ў Еўропе

26 чэрвеня, Мінск /Кар. БЕЛТА/. Французскія парламентарыі падкрэсліваюць важную ролю Беларусі ва ўмацаванні даверу і бяспекі ў Еўропе. Аб гэтым ішла размова на сустрэчы ў Мінску старшыні Пастаяннай камісіі Палаты прадстаўнікоў па міжнародных справах Валерыя Варанецкага з дэлегацыяй Нацыянальнага сходу Францыі на чале са старшынёй групы дружбы "Францыя - Беларусь" Крыстафам Лежэнам, паведамілі БЕЛТА ў прэс-службе Палаты прадстаўнікоў.

Асаблівую ўвагу бакі ўдзялілі развіццю беларуска-французскіх адносін, а таксама бягучай геапалітычнай сітуацыі ў Еўропе і ролі Беларусі ва ўмацаванні стабільнасці і бяспекі ў рэгіёне, пашырэнні супрацоўніцтва і кансалідацыі Еўропы, павышэнні яе канкурэнтаздольнасці.

"Французскія парламентарыі падкрэслілі важную ролю, якую Беларусь можа і павінна адыгрываць у справе ўмацавання міру і стабільнасці ў рэгіёне, даверу і бяспекі ў Еўропе ў цэлым. Яны таксама выказалі зацікаўленасць у нарошчванні міжпарламенцкага супрацоўніцтва, інтэнсіфікацыі гандлёва-эканамічных і культурных сувязей", - праінфармавалі ў прэс-службе.

Валерый Варанецкі ў сваю чаргу адзначыў, што беларуска-французскія адносіны паступальна развіваюцца і маюць дружалюбны і прагматычны характар. Расце двухбаковае гандлёва-эканамічнае і інвестыцыйнае супрацоўніцтва, пашыраецца ўзаемадзеянне ў галіне культуры і турызму. Старшыня пастаяннай камісіі Палаты прадстаўнікоў па міжнародных справах выказаў упэўненасць, што бакам неабходна больш актыўна выкарыстоўваць патэнцыял супрацоўніцтва ў міжнародных арганізацыях.-0-

Падпісвайцеся на нас у
Twitter
Топ-навіны
Свежыя навіны Беларусі