Мабільная версія
ДЗЯРЖОРГАНЫ

Апошнія навіны
Усе навіны

Пагадненні на 250 млн еўра плануецца падпісаць на аўстрыйска-беларускім бізнес-форуме ў Вене

Палітыка 11.11.2019 | 10:00
Фота з архіва
Фота з архіва

11 лістапада, Мінск /Кар. БЕЛТА/. Пагадненні на 250 млн еўра плануецца падпісаць па выніках аўстрыйска-беларускага бізнес-форуму ў Вене, паведаміла Надзвычайны і Паўнамоцны Пасол Беларусі ў Аўстрыі Алена Купчына 10 лістапада ў эфіры тэлеканала "Беларусь 1", паведамляе БЕЛТА.

"Запланавана падпісанне шэрага двухбаковых пагадненняў і іншых дакументаў як камерцыйнай, так і некамерцыйнай накіраванасці, - сказала Алена Купчына. - Спадзяюся, што мы падпішам пакет дамоўленасцей з агульнай лічбай недзе на 250 млн еўра".

Пасол адзначыла новыя дамоўленасці аб супрацоўніцтве ў галіне энергетыкі, асабліва зялёнай, а таксама перспектывы ў сферы навукі і тэхналогій. У час форуму пройдуць не толькі выступленні і прэзентацыі, але і перагаворы ў фармаце В2В, запланаваны кантакты непасрэдна паміж бізнесменамі. "Мы спадзяёмся, што гэта дасць магчымасць значна павялічыць наш тавараабарот", - адзначыла яна.

На сёння больш за 200 беларускіх і аўстрыйскіх удзельнікаў ужо зарэгістраваліся для ўдзелу ў форуме. Лічба, як мяркуецца, значна павялічыцца.

Бізнес-форум у Вене, у якім прымуць удзел дзелавыя колы дзвюх краін, уключаючы прадстаўнікоў буйнога бізнесу, будзе праходзіць адначасова з афіцыйным візітам Прэзідэнта Беларусі Аляксандра Лукашэнкі ў Аўстрыю.

"Я ўпэўнена, што гэты візіт нашага Прэзідэнта ў Аўстрыю будзе сапраўды гістарычным. Хаця б таму, што гэта першы афіцыйны візіт Прэзідэнта Беларусі ў Аўстрыю за 27 гадоў з моманту ўстанаўлення дыпламатычных адносін паміж нашымі краінамі", - сказала Алена Купчына. Больш таго, гэта яскравае сведчанне той якасна новай сітуацыі ў адносінах паміж Беларуссю і Еўрапейскім саюзам і яго дзяржавамі-членамі.

У цэлым, паводле яе слоў, беларуска-аўстрыйскія адносіны можна ахарактарызаваць як партнёрскія і добрасуседскія. Аўстрыя, якая мае тэхналогіі, інавацыі, выказвае гатоўнасць да канструктыўнага і паважлівага дыялогу з Беларуссю. Рэспубліка для яе прывабная дзякуючы перавагам геаграфічнага становішча, стабільнасці і прадказальнасці сітуацыі ў краіне. Шэраг буйных і добра вядомых аўстрыйскіх кампаній ужо ўнеслі свой важкі ўклад у мадэрнізацыю цэлых галін беларускай эканомікі.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.