ДЗЯРЖОРГАНЫДЗЯРЖОРГАНЫ
Флаг Чацвер, 23 верасня 2021
Мінск Пераменная воблачнасць +5°C
Усе навіны
Усе навіны
Палітыка
19 ліпеня 2021, 10:31

Новыя для Беларусі выклікі патрабуюць прадуманых шматпланавых адказаў на перспектыву - Макей

Уладзімір Макей. Фота  "СБ. Беларусь сегодня"
Уладзімір Макей. Фота "СБ. Беларусь сегодня"

19 ліпеня, Мінск /Кар. БЕЛТА/. Новыя для Беларусі выклікі патрабуюць не толькі аператыўных, але і прадуманых шматпланавых адказаў на перспектыву. Аб гэтым заявіў міністр замежных спраў Уладзімір Макей сёння на семінары для кіраўнікоў дыпламатычных прадстаўніцтваў і консульскіх устаноў Беларусі, перадае карэспандэнт БЕЛТА.

"Знешнепалітычнае і знешнеэканамічнае асяроддзе, якое рэзка змянілася за апошні год, стварыла для нашай краіны новыя выклікі, у першую чаргу звязаныя, па сутнасці, з гібрыднай вайной. І, можна гаварыць адкрыта, супраць нас вядзецца фінансава-эканамічная вайна, якая развязана Захадам. Гэтыя выклікі патрабуюць не толькі аператыўных, але і прадуманых шматпланавых адказаў на перспектыву", - падкрэсліў Уладзімір Макей.

Пры гэтым кіраўнік знешнепалітычнага ведамства звярнуў увагу, што адказы на выклікі, якія ўзніклі, павінны быць звязаны не проста з адэкватным рэагаваннем на негатыўныя крокі Захаду, але і з неабходнасцю забяспечыць паступальнае ўстойлівае эканамічнае развіццё Беларусі. "Ад чаго залежыць і выжывальнасць нашай дзяржавы, наша дзяржаўнасць у цэлым", - заявіў ён.

Разам з тым міністр адзначыў, што любыя выклікі заўсёды нясуць з сабой і новыя магчымасці, якія неабходна своечасова выявіць і якасна выкарыстаць. У гэтай рабоце Беларусі ёсць на каго і на што абаперціся. "Я маю на ўвазе перш за ўсё нашых стратэгічных партнёраў, Расію, Кітай, ды і іншыя краіны, а таксама існуючыя напрацоўкі на традыцыйных рынках, стратэгіі і планы, якія падрыхтаваны ўжо і распрацоўваюцца, па нарошчванні нашай прысутнасці і асваенні новых рынкаў і ніш", - растлумачыў кіраўнік МЗС.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі