12 студзеня, Масква /Эдуард Півавар - БЕЛТА/. Генеральны сакратар Арганізацыі Дагавора аб калектыўнай бяспецы Імангалі Тасмагамбетаў, які пачаў выконваць абавязкі з 1 студзеня 2023 года, 12 студзеня наведаў Аб'яднаны штаб АДКБ. Інфармацыя аб гэтым апублікавана на сайце АДКБ, паведамляе БЕЛТА.
"Начальнік Аб'яднанага штаба АДКБ генерал-палкоўнік Анатоль Сідараў праінфармаваў новага кіраўніка арганізацыі аб асноўных напрамках дзейнасці ў галіне развіцця сістэмы калектыўнай бяспекі ў частцы, якая датычыцца войскаў (калектыўных сіл) АДКБ, аб удасканаленні арганізацыі сумесных мерапрыемстваў аператыўнай і баявой падрыхтоўкі, сумеснай падрыхтоўкі ваенных кадраў і спецыялістаў для ўзброеных сіл дзяржаў - членаў АДКБ, а таксама аб шматбаковым ваенна-тэхнічным супрацоўніцтве", - гаворыцца ў паведамленні.
Генеральнаму сакратару расказалі аб рабоце структурных падраздзяленняў Аб'яднанага штаба АДКБ, прадэманстравалі залу прыняцця рашэнняў Цэнтра крызіснага рэагавання АДКБ, азнаёмілі з гістарычнай экспазіцыяй лекцыйна-выставачнай залы, размешчанай у Міжнародным ваенным цэнтры.
Падводзячы вынікі наведвання, Імангалі Тасмагамбетаў адзначыў, што жыццё дыктуе пэўныя выклікі і краінам АДКБ неабходна іх вырашаць разам. "Пытанне бяспекі ў нашых рэгіёнах, безумоўна, на плячах Арганізацыі Дагавора аб калектыўнай бяспецы, а значыць - на нашых плячах. Вялікі дзякуй за службу, разам будзем працаваць", - сказаў генеральны сакратар АДКБ.-0-
