ДЗЯРЖОРГАНЫДЗЯРЖОРГАНЫ
Флаг Аўторак, 28 верасня 2021
Мінск Ясна +12°C
Усе навіны
Усе навіны
Палітыка
09 ліпеня 2021, 12:36

Нігерыя зацікаўлена ў развіцці супрацоўніцтва з Беларуссю ў нафтаздабычы і сельскай гаспадарцы

Фота flags.net
Фота flags.net

9 ліпеня, Мінск /Кар. БЕЛТА/. Нігерыя зацікаўлена ў развіцці супрацоўніцтва з Беларуссю па шэрагу напрамкаў, уключаючы нафтаздабычу і сельскую гаспадарку. Аб гэтым было заяўлена на праведзенай 7 ліпеня сустрэчы пасла Беларусі ў Нігерыі Вячаслава Брыля з сакратаром Федэральнага ўрада гэтай краіны Босам Мустафой, паведамілі БЕЛТА ў прэс-службе МЗС.

"У ходзе сустрэчы абмеркаваны шырокі комплекс пытанняў беларуска-нігерыйскага ўзаемадзеяння ў розных сферах, уключаючы сельскую гаспадарку, нафтаздабычу і нафтаперапрацоўку. Нігерыйскі бок выказаў зацікаўленасць у развіцці супрацоўніцтва з Рэспублікай Беларусь у згаданых сферах, а таксама ў галіне адукацыі і інфармацыйна-камунікацыйных тэхналогій", - расказалі ў МЗС.

Бос Мустафа станоўча адзначыў факт падпісання беларускім бокам мемарандумаў аб супрацоўніцтве з нігерыйскімі штатамі Бенуэ, Іма і Экіці, а таксама намаганні пасольства Беларусі па наладжванні ўзаемадзеяння дзвюх краін у галіне прафесійна-тэхнічнай адукацыі ў рамках мемарандума аб супрацоўніцтве з Нацыянальным дырэктаратам па пытаннях занятасці Нігерыі.

У час сустрэчы пасла з міністрам сельскай гаспадаркі і развіцця сельскіх раёнаў Нігерыі Мухамадам Сабо Нанона разгледжаны пытанні пашырэння супрацоўніцтва паміж краінамі ў галіне сельскай гаспадаркі. Беларускі бок перадаў запрашэнне ад імя міністра прамысловасці Беларусі Пятра Пархомчыка наведаць Беларусь з візітам для азнаямлення з прамысловым патэнцыялам у галіне вытворчасці сельскагаспадарчай тэхнікі і навяснога абсталявання.

Адбылася таксама сустрэча пасла Беларусі з міністрам унутраных спраў Нігерыі Раўфам Арэгбесолам. Бакі абмеркавалі перспектывы развіцця супрацоўніцтва ў сферы бяспекі, грамадзянскай абароны і прадухілення надзвычайных сітуацый, уключаючы абмен візітамі дэлегацый профільных міністэрстваў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі