Рахматула Назараў
19 лютага, Мінск /Кар. БЕЛТА/. Дзякуючы актыўнаму дыялогу на вышэйшым узроўні ўзбекска-беларускае ўзаемадзеянне выйшла на высокі ўзровень. Аб гэтым заявіў Надзвычайны і Паўнамоцны Пасол Узбекістана ў Беларусі Рахматула Назараў у час круглага стала "Узбекістан і Беларусь - партнёрства, праверанае часам" у прэс-цэнтры БЕЛТА.
Дыпламат падкрэсліў, што развіццё супрацоўніцтва з Беларуссю важнае для Узбекістана. У мінулым годзе краіны перасягнулі 30-гадовую мяжу з дня ўстанаўлення дыпламатычных адносін. "За кароткі гістарычны перыяд Ташкент і Мінск змаглі выбудаваць сапраўды цесныя, даверныя сувязі", - заўважыў Рахматула Назараў.
"У апошнія гады ўзбекска-беларускае ўзаемадзеянне выйшла на яшчэ больш высокі ўзровень, што дазволіла раскрыць шырокі патэнцыял нявыкарыстаных рэзерваў у супрацоўніцтве. Пераважна гэтаму садзейнічалі дружалюбныя і братэрскія адносіны паміж кіраўнікамі дзвюх дзяржаў - Шаўкатам Мірзіёевым і Аляксандрам Лукашэнкам", - падкрэсліў Рахматула Назараў.
Ён звярнуў увагу, што за апошнія шэсць гадоў адбыўся шэраг узаемных візітаў. У прыватнасці, у верасні 2018 года Прэзідэнт Беларусі наведаў Ташкент, а ў жніўні 2019 года кіраўнік Узбекістана - Мінск. Акрамя таго, лідары дзвюх краін рэгулярна ўзаемадзейнічаюць у рамках міжнародных арганізацый - Шанхайскай арганізацыі супрацоўніцтва, СНД і ЕАЭС і іншых міжнародных структур.
Пасол назваў гістарычным нядаўні афіцыйны візіт Аляксандра Лукашэнкі ва Узбекістан. "Падрыхтоўка да візіту была каласальнай", - сказаў дыпламат, заўважыўшы пры гэтым, што сустрэчам на вышэйшым узроўні папярэднічалі пашыраныя перагаворы з удзелам профільных міністраў, кіраўнікоў рэгіёнаў і галін дзвюх краін. "У нас ажыятаж быў, што кіраўнік Беларусі наведвае Узбекістан", - расказаў Рахматула Назараў.
Акрамя таго, з поспехам прайшлі другі Форум рэгіёнаў і пасяджэнне Дзелавога савета, у рабоце якіх прынялі ўдзел больш за 350 прадстаўнікоў бізнесу і рэгіёнаў. "Па выніках падпісана больш за 100 дакументаў, у ліку якіх інвестыцыйныя пагадненні, экспартныя і імпартныя кантракты. А ў пачатку лютага па лініі гандлёва-прамысловых палат Беларусь наведала вялікая бізнес-дэлегацыя ў складзе амаль 100 чалавек, і па ўсіх рэгіёнах праводзілі мерапрыемствы. Паміж дзелавымі коламі падпісаны шматмільённыя кантракты", - дадаў пасол.
Узбекскі бок разлічвае на паспяховую рэалізацыю дасягнутых дамоўленасцей. "Кіраўнікамі нашых краін пастаўлена задача давесці ўзаемны тавараабарот да $1 млрд. Думаю, гэта ўдасца зрабіць", - запэўніў кіраўнік дыпламатычнай місіі Узбекістана.-0-
Дыпламат падкрэсліў, што развіццё супрацоўніцтва з Беларуссю важнае для Узбекістана. У мінулым годзе краіны перасягнулі 30-гадовую мяжу з дня ўстанаўлення дыпламатычных адносін. "За кароткі гістарычны перыяд Ташкент і Мінск змаглі выбудаваць сапраўды цесныя, даверныя сувязі", - заўважыў Рахматула Назараў.
"У апошнія гады ўзбекска-беларускае ўзаемадзеянне выйшла на яшчэ больш высокі ўзровень, што дазволіла раскрыць шырокі патэнцыял нявыкарыстаных рэзерваў у супрацоўніцтве. Пераважна гэтаму садзейнічалі дружалюбныя і братэрскія адносіны паміж кіраўнікамі дзвюх дзяржаў - Шаўкатам Мірзіёевым і Аляксандрам Лукашэнкам", - падкрэсліў Рахматула Назараў.
Ён звярнуў увагу, што за апошнія шэсць гадоў адбыўся шэраг узаемных візітаў. У прыватнасці, у верасні 2018 года Прэзідэнт Беларусі наведаў Ташкент, а ў жніўні 2019 года кіраўнік Узбекістана - Мінск. Акрамя таго, лідары дзвюх краін рэгулярна ўзаемадзейнічаюць у рамках міжнародных арганізацый - Шанхайскай арганізацыі супрацоўніцтва, СНД і ЕАЭС і іншых міжнародных структур.
Пасол назваў гістарычным нядаўні афіцыйны візіт Аляксандра Лукашэнкі ва Узбекістан. "Падрыхтоўка да візіту была каласальнай", - сказаў дыпламат, заўважыўшы пры гэтым, што сустрэчам на вышэйшым узроўні папярэднічалі пашыраныя перагаворы з удзелам профільных міністраў, кіраўнікоў рэгіёнаў і галін дзвюх краін. "У нас ажыятаж быў, што кіраўнік Беларусі наведвае Узбекістан", - расказаў Рахматула Назараў.
Акрамя таго, з поспехам прайшлі другі Форум рэгіёнаў і пасяджэнне Дзелавога савета, у рабоце якіх прынялі ўдзел больш за 350 прадстаўнікоў бізнесу і рэгіёнаў. "Па выніках падпісана больш за 100 дакументаў, у ліку якіх інвестыцыйныя пагадненні, экспартныя і імпартныя кантракты. А ў пачатку лютага па лініі гандлёва-прамысловых палат Беларусь наведала вялікая бізнес-дэлегацыя ў складзе амаль 100 чалавек, і па ўсіх рэгіёнах праводзілі мерапрыемствы. Паміж дзелавымі коламі падпісаны шматмільённыя кантракты", - дадаў пасол.
Узбекскі бок разлічвае на паспяховую рэалізацыю дасягнутых дамоўленасцей. "Кіраўнікамі нашых краін пастаўлена задача давесці ўзаемны тавараабарот да $1 млрд. Думаю, гэта ўдасца зрабіць", - запэўніў кіраўнік дыпламатычнай місіі Узбекістана.-0-
