ДЗЯРЖОРГАНЫДЗЯРЖОРГАНЫ
Флаг Аўторак, 27 ліпеня 2021
Мінск Пераменная воблачнасць +21°C
Усе навіны
Усе навіны
Палітыка
04 чэрвеня 2021, 09:11

Нарышкін: мы высока ацэньваем узровень узаемадзеяння паміж спецслужбамі Расіі і Беларусі

Сяргей Нарышкін
Сяргей Нарышкін

4 чэрвеня, Віцебск /Алеся Пушнякова - БЕЛТА/. Расійскія спэцслужбы даражаць партнёрскімі адносінамі з беларускімі калегамі. Аб гэтым заявіў пасля сумеснага пасяджэння з Камітэтам дзяржбяспекі Беларусі 3 чэрвеня дырэктар Службы знешняй разведкі Расійскай Федэрацыі Сяргей Нарышкін, перадае карэспандэнт БЕЛТА.

3 чэрвеня адбылося 20-е сумеснае пасяджэнне калегіі Камітэта дзяржаўнай бяспекі Рэспублікі Беларусь і Службы знешняй разведкі Расійскай Федэрацыі (СЗР). "Правядзенне сумеснай калегіі спецслужбаў нашых краін стала добрай традыцыяй і добрай магчымасцю ацаніць вынікі сумеснай работы за апошні час, спланаваць далейшыя дзеянні, ацаніць, наколькі дакладна мы вырашаем задачы, якія ставяць перад намі прэзідэнты дзвюх краін. У ходзе сумеснай дыскусіі мы зрабілі глыбокі аналіз на гэты момант. І павінен сказаць, што мы высока ацэньваем узровень узаемадзеяння, давернасць у адносінах паміж нашымі дзвюма спецыяльнымі службамі і даражым партнёрскімі сувязямі", - адзначыў Сяргей Нарышкін.

Пытанні забеспячэння бяспекі дзвюх краін і ў цэлым Саюзнай дзяржавы з'яўляюцца важнай часткай міждзяржаўнага супрацоўніцтва. "Востра стаіць пытанне абароны нашай самастойнасці, суверэнітэту. І ў гэтым плане ўзаемадзеянне спецслужбаў мае вялікае значэнне. Што датычыцца нашага партнёрства з Камітэтам дзяржбяспекі Беларусі, то яно будуецца па шэрагу напрамкаў. Традыцыйны напрамак звязаны з міжнародным тэрарызмам. На жаль, пагрозы такога роду не знікаюць. Мы з беларускімі партнёрамі ўзмацнілі аналітычны складнік сумеснай работы, валодаючы вялікім аб'ёмам інфармацыі. Мы разам працуем і разумеем, што патэнцыял гэтай работы ў нас значна большы, у тым ліку інтэлектуальны патэнцыял. Мы гаварылі аб тым, што гэтыя магчымасці нам трэба выкарыстоўваць шырэй", - падкрэсліў Сяргей Нарышкін.

Адказваючы на ​​пытанні журналістаў пра подзвіг савецкага народа ў Вялікай Айчыннай вайне і спробу еўрапейскіх краін перапісаць гісторыю, кіраўнік СЗР сказаў, што такое стаўленне да гісторыі недапушчальна. "Ісціна ў тым, што Савецкі Саюз унёс рашучы ўклад у разгром гітлераўскай Германіі, фашызму. У той вайне поплеч змагаліся выхадцы з усіх саюзных рэспублік, у тым ліку рускія, беларусы, украінцы, казахі, грузіны і гэтак далей, і яны разам вызвалілі краіны Усходняй і шэраг краін Цэнтральнай Еўропы", - выказаў сваё меркаванне Сяргей Нарышкін.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі