25 сакавіка, Мінск /Кар. БЕЛТА/. Першы намеснік міністра замежных спраў Рэспублікі Беларусь Сяргей Алейнік 24 сакавіка сустрэўся з Апостальскім нунцыем, архібіскупам Антэ Ёзічам. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
"У ходзе сустрэчы бакі абмеркавалі сітуацыю ў рэгіёне, а таксама пытанні гуманітарнага супрацоўніцтва. Яны падкрэслілі значнасць актыўнага беларуска-ватыканскага ўзаемадзеяння", - гаворыцца ў паведамленні Міністэрства замежных спраў.
Дыпламатычныя адносіны паміж Рэспублікай Беларусь і Дзяржавай Ватыкан устаноўлены 11 лістапада 1992 года.
У 2009 годзе Прэзідэнт Рэспублікі Беларусь Аляксандр Лукашэнка ў ходзе свайго візіту ў Італію сустрэўся з Папам Рымскім Бенядзіктам XVI.-0-
