ДЗЯРЖОРГАНЫДЗЯРЖОРГАНЫ
Флаг Панядзелак, 25 кастрычніка 2021
Мінск Ясна +3°C
Усе навіны
Усе навіны
Палітыка
24 верасня 2021, 18:44

На беларуска-егіпецкіх кансультацыях паміж міністэрствамі замежных спраў у Каіры абмеркаваны перспектывы ўсебаковага супрацоўніцтва

Фота з архіва
Фота з архіва

24 верасня, Мінск /Кар. БЕЛТА/. У Каіры прайшоў шосты раўнд беларуска-егіпецкіх кансультацый паміж МЗС з удзелам намесніка міністра замежных спраў Рэспублікі Беларусь Мікалая Барысевіча і намесніка міністра замежных спраў Арабскай Рэспублікі Егіпет па справах Еўропы Бадра Абдэлаці. Аб гэтым карэспандэнту БЕЛТА паведамілі ў прэс-службе МЗС.

У кансультацыях таксама прынялі ўдзел намеснікі міністраў турызму, унутранага гандлю і забеспячэння, адукацыі і навуковых даследаванняў Егіпта. Бакі абмеркавалі ўвесь спектр пытанняў беларуска-егіпецкага парадку дня, а таксама рэгіянальную праблематыку. Удзельнікі сустрэчы адзначылі станоўчую дынаміку і вынікі рэалізацыі канкрэтных праектаў прамысловай кааперацыі, абмеркавалі двухбаковыя крокі па пашырэнні кантактаў у галіне адукацыі, навукова-тэхнічнага і гуманітарнага супрацоўніцтва, удасканалення дагаворна-прававой базы адносін.

Асаблівая ўвага ўдзелена пытанням гандлёва-эканамічнага і крэдытна-інвестыцыйнага супрацоўніцтва дзвюх краін. Абмеркаваны парадак дня чарговага пасяджэння беларуска-егіпецкай міжурадавай камісіі, а таксама мадальнасці правядзення трэцяга Беларуска-афрыканскага эканамічнага форуму.

Бакі падкрэслілі гатоўнасць да далейшага актыўнага супрацоўніцтва і ўзаемнай падтрымкі на міжнародных пляцоўках.

Намеснік міністра замежных спраў Беларусі таксама правёў сустрэчы з першым намеснікам міністра гандлю і прамысловасці Егіпта Ахмедам Магауры Дыябам, намеснікам генеральнага сакратара Лігі арабскіх дзяржаў па палітычных пытаннях Халілам Ібрагімам аль-Завадзі, генеральным сакратаром Федэрацыі егіпецкіх гандлёвых палат Алаа Эзам, старшынёй егіпецкай часткі Беларуска-Егіпецкага дзелавога савета Ахмедам Келані, старшынёй Егіпецкага савета ўстойлівага развіцця Матазам Расланам і прадстаўнікамі егіпецкага бізнесу.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі