МЗС: у Беларусі ўзрушаны гібеллю дзясяткаў дзяцей пры атацы на Іран 

28 лютага, Мінск /Кар. БЕЛТА/. У Беларусі ўзрушаны гібеллю дзясяткаў дзяцей пры атацы на Іран. Аб гэтым гаворыцца ў заяве МЗС у сувязі з гібеллю мірных грамадзян у выніку эскалацыі канфлікту на Блізкім Усходзе, паведамляе БЕЛТА.

"У сувязі з пачаткам сумесных ваенных дзеянняў ЗША і Ізраіля супраць Ірана рашуча асуджаем любыя ўзброеныя дзеянні, што вядуць да гібелі цывільнага насельніцтва, у тым ліку ў выніку нявыбарачнага прымянення сілы, - гаворыцца ў заяве МЗС. - Асабліва ўзрушаны паведамленнямі з іранскага горада Мінаб, дзе ў выніку ўдару па школе для дзяўчынак загінулі дзясяткі дзяцей. У гэтыя мінуты нашы думкі - з сем'ямі загінулых, мы шчыра перажываем смутак разам з імі".

"У сувязі з гэтым міжволі задаёмся пытаннем: як смерць ні ў чым не вінаватых дзяўчынак, якія марылі аб будучыні, можа наблізіць урэгуляванне любога, нават самага складанага палітычнага пытання? Упэўнены, што няма і не можа быць мэты, якая магла б апраўдаць гібель дзяцей", - падкрэслілі ў беларускім знешнепалітычным ведамстве.

У МЗС таксама чарговы раз заклікалі ўсе бакі вярнуцца да вырашэння рознагалоссяў выключна палітыка-дыпламатычным шляхам: "Лічым, што міжнародная супольнасць павінна прыкласці ўсе намаганні для недапушчэння гібелі мірных грамадзян і эскалацыі насілля".-0-