ДЗЯРЖОРГАНЫДЗЯРЖОРГАНЫ
Флаг Нядзеля, 7 жніўня 2022
Мінск Ясна +13°C
Усе навіны
Усе навіны
Палітыка
16 лютага 2022, 09:03

МЗС РФ: Беларусь і Расія паказваюць прыклад пазітыўнага парадку дня ва ўмовах сусветнай канфрантацыі

Фота з архіва
Фота з архіва

16 лютага, Масква /Эдуард Півавар - БЕЛТА/. Беларусь і Расія паказваюць прыклад пазітыўнага парадку дня ва ўмовах сусветнай канфрантацыі. Аб гэтым заявіў спецыяльны прадстаўнік МЗС Расіі па пытаннях Саюзнай дзяржавы Віктар Сарокін на канферэнцыі "Бяспека і эканамічны суверэнітэт Саюзнай дзяржавы: агульныя прыярытэты", перадае карэспандэнт БЕЛТА.

"У цяперашніх умовах, калі раніцай уключаеш тэлевізар, пачынаеш праглядаць стужку навін, чытаеш газеты, на фоне, не пабаюся гэтага слова, кашмару, відавочцамі якога мы з'яўляемся, калі краіны прад'яўляюць узаемныя абвінавачанні, узаемныя прэтэнзіі - у гэтых умовах дзве дзяржавы, Расія і Беларусь, два мудрыя народы, расіяне і беларусы, паказваюць прыклад усяму свету, што пара спыніцца ад прорвы, да якой нас штурхаюць некаторыя краіны, і перайсці да пазітыўнага парадку дня, - сказаў дыпламат. - Тыя дамоўленасці, якія нашы краіны дасягнулі ў апошнія месяцы, паказваюць, што мы дэманструем прыклад гэтага пазітыўнага парадку дня. Мы пераканаўча даказваем, што патрэбна не канфрантацыя, а інтэграцыя, патрэбна ўзаемавыгаднае супрацоўніцтва, узаемная павага, адмова ад узаемных папрокаў і нават нянавісці. І толькі так мы зможам аднавіць стабільную міжнародную абстаноўку".

Спецпрадстаўнік адзначыў: размова ідзе не толькі аб стварэнні эканамічнага саюза Беларусі і Расіі, але і, па сутнасці, аб рэалізацыі буйнейшага еўразійскага праекта інтэграцыі, а таксама аб стварэнні адзінай гуманітарнай прасторы ад Атлантыкі да Ціхага акіяна. "Сёння Беларусь і Расія ўсім голасна гавораць: мы да гэтага гатовы. І не толькі гатовы, а сваім прыкладам паказваем, як трэба дзейнічаць у цяперашніх умовах", - заявіў дыпламат.

Віктар Сарокін падкрэсліў, што Беларусь і Расія нікому не пагражаюць, але свае інтарэсы і граніцы ў рамках Саюзнай дзяржавы будуць абараняць рашуча і да канца. "Нашы краіны-саюзнікі паказваюць усяму свету, што мы мірныя людзі, але мы рашуча будзем адстойваць нацыянальныя дзяржаўныя інтарэсы і абараняць граніцы Саюзнай дзяржавы ад Брэста да Уладзівастока. І ні ў каго не павінна быць у гэтым сумненняў. Мы нікому не пагражаем, але свае інтарэсы мы будзем абараняць рашуча і да канца", - сказаў ён.

Канферэнцыя "Бяспека і эканамічны суверэнітэт Саюзнай дзяржавы: агульныя прыярытэты" адбылася ў фармаце відэамоста на пляцоўках РГА "Белая Русь" і Грамадскай палаты Расіі. Яе арганізатарам таксама выступіла Асацыяцыя знешнепалітычных даследаванняў імя А.А. Грамыкі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі