Сцяг Чацвер, 28 сакавіка 2024
Усе навіны
Усе навіны
Палітыка
24 чэрвеня 2020, 18:10

МЗС і БДІПЧ абмеркавалі пытанні міжнароднага назірання за кампаніяй па выбарах прэзідэнта ў Беларусі

24 чэрвеня, Мінск /Аліна Грышкевіч - БЕЛТА/. МЗС і БДІПЧ абмеркавалі пытанні міжнароднага назірання за кампаніяй па выбарах прэзідэнта ў Беларусі, паведамілі карэспандэнту БЕЛТА ў прэс-службе беларускага знешнепалітычнага ведамства.

"24 чэрвеня адбылася тэлефонная размова намесніка міністра замежных спраў Беларусі Алега Краўчанкі з дырэктарам Бюро па дэмакратычных інстытутах і правах чалавека (БДІПЧ) Арганізацыі па бяспецы і супрацоўніцтве ў Еўропе (АБСЕ) Інгіб'ёрг Сальрун Гісладацір", - гаворыцца ў паведамленні Міністэрства замежных спраў.

Бакі абмеркавалі пытанні, звязаныя з арганізацыяй міжнароднага назірання па лініі БДІПЧ за бягучай кампаніяй па выбарах прэзідэнта ў Беларусі.

Як паведамлялася, Палата прадстаўнікоў назначыла прэзідэнцкія выбары на 9 жніўня. Згодна з каляндарным планам датэрміновае галасаванне на выбарах адбудзецца з 4 па 8 жніўня. Вынікі Цэнтрвыбаркам павінен падвесці не пазней за 19 жніўня. Другі тур, калі ў ім будзе неабходнасць, па плане павінен прайсці не пазней чым праз два тыдні, гэта значыць 23 жніўня.-0-

Падпісвайцеся на нас у
Twitter
Топ-навіны
Свежыя навіны Беларусі