ДЗЯРЖОРГАНЫДЗЯРЖОРГАНЫ
Флаг Аўторак, 28 верасня 2021
Мінск Ясна +8°C
Усе навіны
Усе навіны
Палітыка
25 чэрвеня 2021, 13:01

МЗС: эканамічныя санкцыі ЕС - новая марная спроба паступова душыць беларусаў

Фота з архіва
Фота з архіва

25 чэрвеня, Мінск /Кар. БЕЛТА/. Эканамічныя санкцыі Еўрапейскага саюза - новая марная спроба паступова душыць беларусаў. Гэта падкрэсліваецца ў заяве Міністэрства замежных спраў Беларусі, размешчанай на сайце ведамства, паведамляе БЕЛТА.

"Пасля вераломнай сумеснай атакі 22 чэрвеня 2021 года з боку восі ЕС, ЗША, Вялікабрытаніі і Канады на беларусаў, на працоўныя калектывы нашых прадпрыемстваў, бізнесменаў, журналістаў, а таксама дэпутатаў толькі за тое, што яны выказваюць уласнае меркаванне, было цалкам зразумела, што будзе зроблена новая марная спроба паступова душыць нашых грамадзян. Выступаючы нібы ў падтрымку свабоды самавыяўлення, Еўрасаюз выпальвае ўсё, што не ўпісваецца ў еўропацэнтрычную карціну свету. Напэўна, гэта і ёсць сутнасць іх дэмакратыі", - заявілі ў міністэрстве.

У МЗС звярнулі ўвагу на той факт, што краіны Захаду ўжо нават не спрабуюць шукаць або "прыцягваць за вушы" хаця б нейкія міжнародна-прававыя асновы і тлумачэнні для ўвядзення санкцый. "Таму што іх няма. Ёсць толькі мэта - разлажыць і падарваць суверэнную і незалежную дзяржаву, якая праводзіць самастойную знешнюю і ўнутраную палітыку на аснове рэальных інтарэсаў беларускага народа. Рашэнні прыняты настолькі паспешна і нематывавана, што кіраўніцтва краін ЕС нават не палічыла патрэбным дачакацца хаця б заключэння ІКАО", - падкрэслілі ў МЗС.

Для знешнепалітычнага ведамства відавочна, што вялікі Еўрасаюз імкнецца задаволіць свае амбіцыі за кошт адносна невялікай Беларусі і яго зусім не цікавіць меркаванне мільёнаў беларускіх працоўных, работнікаў прафсаюзаў, палітычных партый і грамадскіх аб'яднанняў, якія выказалі сваё дакладнае і адназначнае непрыманне адыёзнай санкцыйнай палітыкі ЕС.

"Еўрапейскія лідары не хочуць чуць гэтыя галасы гэтак жа, як не хочуць чуць і галасы ўласных грамадзян і суб'ектаў гаспадарання, шэраг з якіх ужо знаходзяцца на парозе разарэння з-за такой палітыкі свайго кіраўніцтва. Невыпадкова нават аўтарытэтныя даследаванні грамадскай думкі EuroTrack брытанскай кампаніі YouGov паказваюць катастрафічна нізкія рэйтынгі даверу да ўрадаў у шэрагу краін ЕС, у тым ліку ў Германіі - 31 працэнт, у Францыі - 23 працэнты, у Швецыі - 30 працэнтаў. Беларусь спрабуюць павучаць і атакаваць палітыкі, якія не маюць падтрымкі нават у свайго ўласнага народа", - канстатавалі ў МЗС.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі