ДЗЯРЖОРГАНЫДЗЯРЖОРГАНЫ
Флаг Панядзелак, 17 студзеня 2022
Мінск -2°C
Усе навіны
Усе навіны
Палітыка
04 лістапада 2021, 16:59

МЗС Беларусі жорстка ўказала прадстаўніку пасольства Польшчы на недапушчальнасць нагнятання абстаноўкі на граніцы

Фота з архіва
Фота з архіва

4 лістапада, Мінск /Кар. БЕЛТА/. У Міністэрства замежных спраў Беларусі 4 лістапада быў выкліканы часовы павераны ў справах Рэспублікі Польшча ў Рэспубліцы Беларусь Марцін Вайцяхоўскі. Аб гэтым карэспандэнту БЕЛТА паведамілі ў прэс-службе МЗС.

Польскаму дыпламату быў заяўлены рашучы пратэст у сувязі з распаўсюджанай афіцыйнымі асобамі Польшчы заявай аб нейкім "заходзе" 2 лістапада ў Польшчу з тэрыторыі Беларусі неўстаноўленых "узброеных асоб у форме".

Увага польскага боку звернута на той факт, што тыражыраванне такіх абсалютна бяздоказных інсінуацый стала ўжо нормай у паводзінах афіцыйнай Варшавы. Марціну Вайцяхоўскаму жорстка ўказана на недапушчальнасць нагнятання абстаноўкі на граніцы і выкарыстання з гэтай мэтай вельмі сумніўных з пункту гледжання прынцыпаў добрасуседства і разважлівасці метадаў работы.

Беларусь ніколі не правакавала і не мае намеру правакаваць пагранічныя інцыдэнты, таму катэгарычна не прымае такія правакацыі.

Беларускі бок яшчэ раз пацвердзіў гатоўнасць вырашаць любыя, у тым ліку значныя, пытанні ў духу ўзаемапаважлівага дыялогу. Штучныя аперэтачныя інсцэніроўкі, якія арганізуюцца з мэтай стварэння ў міжнароднай грамадскай думцы варожага вобраза Беларусі, супярэчаць не толькі міжнароднаму праву, але і ўсім магчымым нормам маралі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі