ДЗЯРЖОРГАНЫДЗЯРЖОРГАНЫ
Аўторак, 21 студзеня 2020
Мінск Суцэльная воблачнасць +1°C
Усе навіны
Усе навіны
Палітыка
15 лістапада 2019, 12:48

МЗС Беларусі і Пакістана абмяркуюць на палітычных кансультацыях актывізацыю супрацоўніцтва

Фота з архіва
Фота з архіва

15 лістапада, Мінск /Кар. БЕЛТА/. Палітычныя кансультацыі на ўзроўні намеснікаў міністраў замежных спраў Беларусі і Пакістана пройдуць у канцы лістапада ў Ісламабадзе. Бакі абмяркуюць пытанні актывізацыі супрацоўніцтва паміж краінамі. Адпаведная дамоўленасць дасягнута на сустрэчы Надзвычайнага і Паўнамоцнага Пасла Беларусі ў Пакістане Андрэя Ермаловіча з намеснікам міністра замежных спраў Пакістана Аманам Рашыдам, паведамілі БЕЛТА ў беларускай дыпмісіі.

На сустрэчы размова ішла пра бягучы стан і перспектывы далейшага развіцця беларуска-пакістанскіх адносін з улікам раней дасягнутых дамоўленасцей на вышэйшым узроўні. "Адзначана ўзаемная зацікаўленасць бакоў у актывізацыі інстытуцыянальных механізмаў двухбаковага супрацоўніцтва ў мэтах істотнага павелічэння ўзаемнага тавараабароту, перш за ўсё - сумеснай беларуска-пакістанскай камісіі па гандлёва-эканамічным супрацоўніцтве, а таксама рабочых груп па сельскай гаспадарцы і прамысловай кааперацыі", - адзначылі ў пасольстве. Асобна закраналася тэма шырокага далучэння дзелавых колаў Беларусі і Пакістана да гандлёва-эканамічнага і інвестыцыйнага супрацоўніцтва.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі