ДЗЯРЖОРГАНЫДЗЯРЖОРГАНЫ
Флаг Аўторак, 11 мая 2021
Мінск Ясна +19°C
Усе навіны
Усе навіны
Палітыка
22 красавіка 2021, 13:05

МЗС Беларусі адрэагавала на заяву літоўскага боку аб магчымай акрэдытацыі пасла ЗША Фішэр у Літве

Фота з архіва
Фота з архіва

22 красавіка, Мінск /Кар. БЕЛТА/. Міністэрства замежных спраў Беларусі адрэагавала на заяву літоўскага боку аб магчымай акрэдытацыі пасла ЗША Джулі Фішэр у Літве, паведамляе БЕЛТА.

"Мы, шчыра кажучы, наконт гэтага не маем ніякай афіцыйнай інфармацыі, а заявы розных літоўскіх асоб апошнім часам настолькі шматлікія і супярэчлівыя, што абапірацца на іх неяк несур'ёзна. Будзе больш яснасці - можна будзе гаварыць больш прадметна", - заявілі ў знешнепалітычным ведамстве журналістам.

"Аднак акадэмічна, прафесійна нам не зусім зразумела нават, аб чым можа ісці размова, аб якой акрэдытацыі? - прадоўжылі ў МЗС. - Чыста гіпатэтычна, калі гэта акрэдытацыя пасла ў МЗС Літвы, то значыць - у Літве будуць два паслы ЗША, якія будуць прадстаўляць там амерыканскія інтарэсы".

"Зусім відавочна, што пасол, які знаходзіцца ў Літве, ніякіх адносін да Беларусі не можа і ніколі не будзе мець", - заявілі ў беларускім Міністэрстве замежных спраў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі